2019-10-15 17:17:01, 1983 ნახვა
სამართალი
5 წლის ბავშვის მიმართ გარყვნილი ქმედებისთვის, პირს 6-წლიანი პატიმრობა შეეფარდა
გორში, 5 წლის ბავშვის მიმართ გარყვნილი ქმედების ბრალდებით დაკავებულ პირს, რაიონულმა სასამართლომ 6 წლით თავისუფლების აღკვეთა მიუსაჯა.
საქმის მასალებიდან გამომდინარე, ბრალდებულმა, წინასწარი შეცნობით, თავის სახლსა და დაზარალებულის საცხოვრებელ სახლში, 5 წლის ასაკის ბავშვის მიმართ გარყვნილი ქმედება რამდენჯერმე განახორციელა.
გამოძიება სსსკ-ის 141-ე მუხლის პირველი ნაწილით მიმდინარეობდა, რაც გულისხმობს ძალადობის გარეშე, დამნაშავისათვის წინასწარი შეცნობით, სრულწლოვნის გარყვნილ ქმედებას თექვსმეტი წლის ასაკს მიუღწეველთან. კანონის დარღვევა თავისუფლების აღკვეთით ვადით 5-დან 7 წლამდე ისჯება.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
