2019-10-08 14:26:51, 2961 ნახვა
სამართალი
20 ივნისის საქმეზე დაკავებული ლევან ჯიქური სასამართლოს დარბაზიდან გაათავისუფლეს
თბილისის საქალაქო სასამართლოს გადაწყვეტილებით, 20 ივნისის საქმეზე დაკავებულებიდან ერთ-ერთი, ლევან ჯიქური გაათავისუფლეს.
მას აღკვეთის ღონისძიების სახით 2 000-ლარიანი გირაო შეეფარდა. გირაოს გადასახდელად მას 45 დღე მიეცა.
ლევან ჯიქურისთვის აღკვეთის ღონისძიების სახით გირაოს შეფარდების შუამდგომლობა მისმა ადვოკატმა დააყენა. ბრალდების მხარე უფლებადამცველის შუამდგომლობას დაეთანხმა. თავად ჯიქური ბრალს ნაწილობრივ აღიარებს.
ადვოკატის განცხადებით, მოსამართლემ გაითვალისწინა ბრალდებულის ჯანმრთელობის მდგომარეობა და აგრეთვე მას მინიმუალური გირაო შეუფარდა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
