„ქალთა მოძრაობის“ ერთ-ერთი ლიდერი ბაია პატარაია აცხადებს, რომ საკრებულოს დეპუტატის ილია ჯიშკარიანის მიერ შესაძლო სექსუალური ძალადობის ფაქტზე გამოძიება ხელოვნურად არის გაჩერებული. 

უფლებადამცველი დარწმუნებულია, რომ საქმის გამოძიებაში გენერალური პროკურორი შალვა თადუმაძეც არის ჩართული. 

 "არსებობს საქმეში საკმარისი მტკიცებულება, რომ ბრალი წაუყენონ ადამიანს, მაგრამ ამას პროკურატურა არ აკეთებს და მე მინდა მივმართო თადუმაძეს, რომ მისცეს პროკურორს მუშაობის საშუალება. დარწმუნებული ვარ, რომ ეს საქმე მთავარი პროკურორის დონეზე და საქმე ხელოვნურად არის გაჩერებული. ჩემთვის გაუგებარია "ქართულ ოცნებასა" და ამ ადამიანს რა ურთიერთობა აქვთ ისეთი, რომ ასეთ მაღალ პოლიტიკურ ფასს იხდის "ქართული ოცნება" ვინმე ილიას დასაცავად ჩემთვის გაუგებარია. ეს მათი საქმეა. მაგრამ ბრალის წარდგინება, როდესაც მოხდება ადამიანისთვის ძალიან ლოგიკური იქნება თუ მას უფლებამოსილება შეუწყდება", - აღნიშნა ბაია პატარაიამ.

ცნობისთვის, საქმე ეხება "ქართული ოცნების" საკრებულოს დეპუტატის ილია ჯიშკარიანის მიერ შესაძლო სექსუალური ძალადობის ფაქტს. კერძოდ, სექსუალურ ძალადობაში ჯიშკარიანს მისი თანაშემწე თამთა თოდაძე ადანაშაულებს. შინაგან საქმეთა სამინისტრომ მომხდართან დაკავშირებით გამოძიება 3 მუხლით დაიწყო. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს