საქართველოში პირდაპირი ფრენების აკრძალვის გამო, რუსული ავიაკომპანიების ზარალმა 1 მილიარდ რუბლს გადააჭარბა, - ამის შესახებ Коммерсант-ი იუწყება. 

მედია საშუალების ინფორმაციით, ავიაკომპანია Победа-ს ზარალმა 500 მილიონ რუბლს მიაღწია, ავიაკომპანია S7-ში ზარალს 600 მილიონ რუბლად, ხოლო Red Wings-ში 200 მილიონ რუბლად აფასებენ.

მედიის ცნობით, კომპანიები ელოდებიან ბიუჯეტიდან ზარალის ანაზღაურებას, თუმცა ერთ-ერთი კომპანიის ხელმძღავენლობა მიიჩნევს, რომ რუსეთის ხელისუფლება ზარალისთვის თანხის გამოყოფას არ აპირებს. 

გარდა ამისა, რუსეთის ტრანსპორტის სამინისტროში აცხადებენ, რომ "ზარალის დაარვის საკითხზე მუშაობა მიმდინარეობს". 

ცნობისთვის, რუსეთის პრეზიდენტმა ვლადიმერ პუტინმა ბრძანება გამოსცა, რომლის მიხედვითაც, რუსულ ავიაკომპანიებს 8 ივლისიდან რუსეთიდან საქართველოს ტერიტორიაზე ფრენების განხორციელება აუკრძალა. კრემლის ლიდერმა შესაბამისი გადაწყვეტილება მას შემდეგ მიიღო, რაც საქართველოში ანტისაოკუპაციო საპროტესტო ტალღა დაიწყო, რომელიც თბილისში რუსი დეპუტატის ვიზიტს სერგეი გავრილოვს მოჰყვა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია