პრეზიდენტის მიერ მსჯავრდებულების შეწყალების საქმეზე, გენერალურ პროკურატურაში დიმიტრი გაბუნიას საადვოკატო ბიუროს პარტნიორები იმყოფებიან.

აღნიშნულ საქმეზე პროკურატურაში  გიორგი ტალახაძე   გიორგი მიროტაძე და ლაშა ხურცილავა დაიბარეს.

როგორც გიორგი მიროტაძემ პროკურატურაში შესვლამდე ჟურნალისტებს განუცხადა, შეწყალების სიასთან საერთოდ არანაირი კავშირი არ აქვს.

დიმიტრი გაბუნიას ბიზნესპარტნიორი ვარ. რადგან დამიბარეს, მე კანონმორჩილი მოქალაქე ვარ და მოვედი იმისათვის, რომ შეკითხვებს ვუპასუხო. არანაირი კავშირი არ მაქვს ამ საქმესთან. სახელებიც კი არ ვიცი შეწყალებულების და დაზარალებულების. ვიცი მხოლოდ ის, რაც ტელევიზიით გამიგია. მე კომპანიის მეწილე გავხდი დაახლოებით ერთი თვის წინ. კომპანიის წინა ისტორია არ ვიცი. სპეციალობით იურისტი არ ვარ. არ ვიცი რა შუაში ვარ, მე ვარ ბანკირი“, - განაცხადა გიორგი მიროტაძემ.

შეგახსენებთ, პრეზიდენტმა სალომე ზურაბიშვილმა მარიამობის დღესასწაულთან დაკავშირებით გამოცემული შეწყალების აქტით, მკვლელობისთვის მსჯავრდებული რამდენიმე პირი შეიწყალა, მათ შორის პოლიციელის, თარაშ მუკბანიანის, ისტორიკოს გიორგი ოთხმეზურის შვილის, დავით ოთხმეზურისა და სოსო ქოიავას მკვლელობისთვის მსჯავრდებული პირები.

აღნიშნულის შემდეგ, „ევროპულ საქართველოში“ განაცხადეს, შეწყალების პროცესში კორუფციულ გარიგებებს აქვს ადგილი, რომელშიც პრეზიდენტის საპარლამენტო მდივანი დიმიტრი გაბუნიაა ჩართული. თავად გაბუნიამ ინფორმაციას უარყო და განაცხადა, რომ შესასწყალებელ პატიმართა სიის შედგენას ადმინისტრაციის უფროსის მოადგილე ანგი ხუციშვილი კურირებდა. ამის შემდეგ გენერალურმა პროკურატურამ შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე გამოძიება დაიწყო.

შეწყალების საქმეზე უკვე გამოიკითხნენ პრეზიდენტის საპარლამენტო მდივანი დიმიტრი გაბუნია, პრეზიდენტის ადმინისტრაციის უფროსის მოვალეობის შემსრულებელი ანგი ხუციშვილი და პრეზიდენტის ადმინისტრაციის თანამშრომლები.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.