უკრაინის პრეზიდენტი ვლადიმერ ზელენსკი თეთრი სახლის ლიდერის დონალდ ტრამპის მხრიდან ზეწოლას უარყოფს.

როგორც ზელენსკიმ აღნიშნა, მასზე ზეწოლის განხორციელებას ვერავინ შეძლებს, რადგან ის დამოუკიდებელი უკრაინის პრეზიდენტია.

"ჩემზე ზეწოლა შეუძლია მხოლოდ ერთ ადამიანს, ეს ჩემი ვაჟია, რომელიც 6 წლის არის. უკრაინა დაელაპარაკება ამერიკას მხარდაჭერის შესახებ, მაგრამ არაფრის თხოვნას არ აპირებს. უკრაინა ახალი, ძლიერი ქვეყანაა და არ აპირებს ვინმეს რამე სთხოვოს, პირიქით შეუძლია ვინმეს დაეხმაროს", - განაცხადა ვლადიმერ ზელენსკიმ.

ცნობისთვის, საქმე ეხება სატელეფონო საუარს, რომელიც დონალდ ტრამპსა და ვლადიმერ ზელენსკის შორის ივლისში შედგა. ამ საუბრის შინაარსმა ამერიკის "დემოკრატიული პარტიის" კრიტიკა დაიმსახურა. კერძოდ, როგორც "დემოკრატები" აცხადებენ, ტრამპი ზელენსკის დაემუქრა, და 2020 წლის პრეზიდენტობის კანდიდატის და ყოფილი ვიცე-პრეზიდენტის ჯო ბაედინის შვილის წინააღმდეგ გამოძიების დაწყება მოსთხოვა. ამასთან, როგორც თეთრი სახლის ლიდერის ოპონენტები ამტკიცებენ, ტრამპმა ზელენსკის უთხრა, რომ წინააღმდეგ შემთხვევაში ამერიკა უკრაინას სამხედრო დახმარებას შეუჩერებდა. ხსენებული ბრალდებების შემდეგ, "დემოკრატებმა" დონალდ ტრამპის იმპიჩმენტის პროცედურა დაიწყეს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო