ნაძალადევის რაიონში, ზღვის უბნის IV მიკრორაიონის V კორპუსის მიმდებარედ არსებული დაზიანებული სკვერის სრული რეაბილიტაცია განხორციელდება.

ამ ეტაპზე, მომზადდა პროექტი, რომლის ფარგლებშიც, 2 000 კვ.მ ფართობზე დასასვენებელი სივრცე მოეწყობა. დაირგვება ხე-მცენარეები, დამონტაჟდება საბავშვო ატრაქციონები, ტრენაჟორები, მოეწყობა გარე განათების ქსელი, სარწყავი სისტემა, ფილები, ბორდიური, განთავსდება საპარკე სკამები და ურნები.

პროექტის დეტალები, რომელიც 2020 წლის პირველ ნახევარში განხორციელდება,  ადგილობრივ მცხოვრებლებს ნაძალადევის გამგებელმა ირაკლი ხელაძემ გააცნო.

„აქ ოდესღაც დასასვენებელი სივრცე არსებობდა, თუმცა ახლა რა მდგომარეობაც არის, სკვერს ნამდვილად ვერ ვუწოდებთ. მიმდებარე ტერიტორია გადაქცეულია ავტოსადგომად. ახალი რეკრეაციული ზონის მოწყობას მოსახლეობა აქტიურად ითხოვდა. ადგილობრივებს გარკვეული შიშიც ჰქონდათ, რომ აქ საცხოვრებელი კორპუსი აშენდებოდა, თუმცა შიშის საფუძველი ნამდვილად არ არსებობს. ამ ტერიტორიაზე სკვერი მოეწყობა. სწორედ ამის შესახებ ვესაუბრეთ მოქალაქეებს და მათ პროექტის დეტალები გავაცანით“, - განაცხადა ირაკლი ხელაძემ.

აღნიშნულ მისამართზე სკვერის რეაბილიტაციისთვის ნაძალადევის რაიონის გამგეობა 242 776 ლარს გამოყოფს.

(NS)

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.