რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა დასავლეთს, სამხრეთ კავკასიის რეგიონში დესტაბილიზაციის შეტანის მცდელობაში ადანაშაულებს. 

როგორც ზახაროვამ აღნიშნა, დასავლელი კოლეგები რუსეთის მიმართ აგრესიულ რიტორიკას იყენებენ და ოკუპაციაზე საუბრობენ. გარდა ამისა, მან ოკუპირებული აფხაზეთი და ე.წ. სამხრეთ ოსეთი "უკვე შემდგარ, სუვერენულ სახელმწიფოებად" მოიხსენია. 

"ჩვენი დასავლელი, განსაკუთრებით ამერიკელი კოლეგები განაგრძობენ რუსეთის, აფხაზეთისა და სამხრეთ ოსეთის დადანაშაულებას. იმის ნაცვლად, რომ ხელი შეუწყონ მშვიდობასა და უსაფრთხოებას ამიერკავკასიაში, ყველაფერს აკეთებენ რეგიონში დესტაბილიზაციისთვის. ვხედავთ, როგორ ამარაგებენ საქართველოს იარაღით, ითრევენ სამხედრო ბლოკებში. ვაშინგტონსა და ბრიუსელში ამას ხსნიან, რეგიონში უსაფრთხოების დამყარებით. და საუბრობენ რუსულ ოკუპაციაზე. სწორედ 2008 წლის ბუქარესტის სამიტის გადაწყვეტილება საქართველოს ალიანსში მიღების გარანტიის შესახებ, სააკაშვილის რეჟიმმა აღიქვა როგორც პირდაპირი სიგნალი „სამხრეთ ოსეთში“ აგრესიისთვის, რამაც, საბოლოოდ, რეგიონში ცვლილებები გამოიწვია.  აფხაზეთი და სამხრეთ ოსეთი, რომლებიც ეყრდნობიან რუსეთის მოკავშირულ დახმარებას და რომელიც მათი უსაფრთხოების გარანტია, ამაგრებენ თავის სახელმწიფოებრიობას. გასულ წლებში აფხაზეთი და სამხრეთ ოსეთი შედგნენ როგორც სუვერენული სახელმწიფოები", - განაცხადა ზახაროვამ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს