პროკურატურა პეკინის ქუჩაზე 3 წლის ბავშვის დაჭრაში ბრალდებულის მიმართ აღკვეთის ღონისძიების სახედ პატიმრობას ითხოვს, - ამის შესახებ  სასამართლო სხდომის დაწყებამდე პროკურორმა გრიგოლ ნიშნიანიძემ ჟურნალიტებს განუცხადა.

პროკურორის განცხადებით, მცირეწლოვანი ყოველგვარი მოტივის გარეშე დაჭრეს.

„ბრალდების მხარე სასამართლოს მიმართავს შუამდგომლობით, პატიმრობის გამოყენების თაობაზე-დანაშაულის ხასიათის, სპეციფიკის გათვალისწინებით. ბრალდებულის მიმართ ასევე დანიშნულია ფსიქიატრიული ექსპერტიზა და შესაბამისი დასკვნის მიღების შემდგომ იქნება შესაბამისი გადაწყვეტილება მიღებული. დასკვნას გარკვეული ვადა სჭირდება“, - აღნიშნა პროკურორმა.

შეგახსენებთ, რომ პეკინის #11-ში გამვლელი ქალი 3 წლის ბავშვს თავს დაესხა და მას სახის არეში, ცივი იარაღით ჭრილობები მიაყენა. ბავშვი მშობლებთან და მცირეწლოვან დასთან ერთად გადაადგილდებოდა, რა დროსაც მოხდა თავდასხმა. ამის შემდეგ, ქალმა დაჭრილის დისკენ გაიწია და თავდასხმა მასზეც სცადა, თუმცა მცირეწლოვანი გოგონა მამამ დაიცვა. თავდამსხმელი ადგილიდან მიიმალა და ის დღეს სამართალდამცველებმა დააკავეს.

ფოტო: ტელეკომპანია "იმედი".

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.