გერმანიის დედაქალაქ ბერლინში, პანკისის ხეობის მკვიდრის ზელიმხან ხანგოშვილის მკვლელობა შეკვეთილი იყო, - ამის შესახებ Der Spiegel პროკურატურის მიერ გავრცელებულ ვერსიაზე დაყრდნობით იუწყება. 

ბერლისნი მთავარი პროკურორის განცხადებით, ხანგოშვილის მკვლელობაში ბრალდებული 49 წლის რუსეთის მოქალაქეა, რომელიც გერმანიაში თავდასხმამდე რამდენიმე კვირით ადრე ჩავიდა. 

პროკურორის მტკიცებით, გამოძიება ინტენსიურად მიმდინარეობს და ხანგოშვილის მკვლელობის საქმეში ყველაზე სავარაუდო ვერსიად „პროფესიონალურად დაგეგმილი და შესრულებული შეკვეთილი მკვლელობა“ სახელდება. თვითმხილველი აცხადებს, რომ თავდამსხმელმა ხანგოშვილის მისამართით 2 გასროლა დამიზნებით განახორციელა. 

მედია საშუალების ინფორმაციით, ნატოს რამდენიმე ქვეყნის სპეცსამსახურებს მიაჩნიათ, რომ ხანგოშვილის მკვლელობა პოლიტიკურ ნიადაგზე მოხდა, რომელიც რუსეთის სადაზვერვო სამსახურმა დაგეგმა. ასეთი ვარაუდის საფუძველს გამოძიებას მისი ბიოგრაფია აძლევს. 

Der Spiegel-ი იტყობინება, რომ საქართველოში მასზე განხორციელებული თავდასხმის შემდეგ ხანგოშვილი უკრაინაში გადაბარგდა, სადაც ადგილობრივ სპეცსამსახურებთან თანამშრომლობდა და რუსეთის გავლენის წინააღმდეგ იბრძოდა. მორიგი თავდასხმის შემდეგ, ხანგოშვილმა უკრაინა დატოვა და გერმანიაში გადავიდა საცხოვრებლად. 

გერმანული მედია წერს, რომ ხანგოშვილი ისლამისტურ დაჯგუფებებთან კავშირში არ იყო და პანკისელ ახლობლებს სირიაში წასვლის უფლებასაც არ აძლევდა. გარდა ამისა, Spiegel-ის ცნობით, ის ჩეჩნეთის ლიდერის რამზან კადიროვის ე.წ. შავ სიაში ფიგურირებდა. 

ცნობისთვის, 40 წლის ზელიმხან ხანგოშვილი რუსეთ-ჩეჩნეთის ომის მოანწილე იყო, რის გამოც მოსკოვს მასზე ძებნა ჰქონდა გამოცხადებული.  ხანგოშვილი პანკისის ხეობის სოფელ დუისში ცხოვრობდა. მას 2015 წელს თბილისში თავს დაესხნენ და რამდენიმე ტყვია ესროლეს, მკურნალობის შემდეგ მან ქვეყანა დატოვა. მედიაში გავრცელებული ინფორმაციით, ზელიმხან ხანგოშვილი ფიგურირებდა ლაფანყურის სპეცოპერაციაში.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს