თბილისის საქალაქო სასამართლომ ტელეკომპანია „რუსთავი 2“-ის ერთ-ერთი დამფუძნებლის ეროსი კიწმარიშვილის მეუღლის, ია კიწმარიშვილის სარჩელი არ მიიღო.

ია კიწმარიშვილი თ „რუსთავი 2-ის“ 30 პროცენტის გადაცემას ითხოვდა. შესაბამისად, ია კიწმარიშვილს უარი ეთქვა დავის დასრულებამდე უზრუნველყოფის ღონისძიებაზე ყადაღის გამოყენების შესახებ.

სასამართლოს გადაწვეტილება ტელეკომპანიის გენერალურმა დირექტორმა, პაატა სალიამ განმარტა.

„15 აგვისტოთი არის დათარიღებული განჩინება თბილისის საქალაქო სასამართლოსი, რომლითაც სარჩელის უზრუნველყოფის შესახებ, ყადაღაზე მოთხოვნა, რაც იყო, განსახილველად მიღებაზე სასამართლომ უარი თქვა. მოტივი და საფუძველი არის ის, რომ 2009 წლის 9 ოქტომბრის გადაწყვეტილებით, ეროსი კიწმარიშვილის სარჩელი გარიგების ბათილად ცნობის თაობაზე და შპს პანორამასთვის გადაცემული წილების უკან დაბრუნების თაობაზე სასამართლოს მიერ უკვე განხილულია, ეს გადაწყვეტილება კანონიერ ძალაშია შესული, მაშინ მას უარი ეთქვა ამ სარჩელის დაკმაყოფილებაზე 2009 წელს და შესაბამისად, სამოქალაქო საპროცესო კოდექსით დადგენილი წესიდან გამომდინარე, დაუშვებელია, ერთ და იგივე საფუძვლებით, ერთი და იგივე მოთხოვნით სასამართლოსთვის მიმართვა“, - განუცხადა სალიამ „რუსთავი 2“-ს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სოციალური სამართლიანობის ცენტრი - საქართველოდან რუსეთში პატიმრების ექსტრადირება დაუყოვნებლივ უნდა შეწყდეს

ბაზისბანკის ბარათით თანხის განაღდება იგივე პირობებით უკვე ლიბერთის 700-მდე ბანკომატიდანაც შესაძლებელია

რუსეთმა ზაპოროჟიეში დნეპრზე მდინარეზე გადებული ხიდი დაბომბა - ხუთი ადამიანი დაშავდა

უკრაინულმა დრონებმა მოსკოვის მახლობლად მდებარე ნავთობის მსხვილ საწყობს შეუტიეს