„რუსთავი 2“-ის ყოფილი გენერალური დირექტორის, ნიკა გვარამიას ადვოკატი საქალაქო სასამართლოს გადაწყვეტილებას ზემდგომ ინსტანციაში გაასაჩივრებს.

დიმიტრი საძაგლიშვილი მიიჩნევს, რომ აღკვეთის ღონისძიების შეფარდების გადაწყვეტილება უკანონოა, რადგან მისი შეფარდების დადასტურებული ვარაუდის სტანდარტი, ამ საქმეში, არ არსებობს.

„სასამართლომ მიიჩნია რომ ამ შეზღუდვის დაწესებით ნიკა გვარამიას მიმალვის შესაძლებლობა გამოირიცხება. თუმცა მას აკრძალვა არ აქვს, მას არ ეკრძალება დატოვება, უბრალოდ მას სჭირდება თანხმობა საგამოძიებო ორგანოსი. არანაირ რისკებს ეს არ აზღვევს და, სინამდვილეში, არც არსებობს რისკი მიმალვასთან დაკავშირებით იმიტომ, რომ ნიკა გვარამიამ იცის რომ 7 წლის განმავლობაში მასზე არაერთი საქმე მიმდინარეობდა. გაცნობიერებული აქვს ის რისკი, რომ შეიძლება გახდეს პატიმარი. უკანონო, მაგრამ მაინც. ის თვლის რომ არსად არ უნდა წავიდეს, აქ უნდა დარჩეს და გააგრძელოს ბრძოლა იმ ფორმით და იმ პირების წინააღმდეგ რა ფორმითაც აკეთებდა ამ 7 წლის განმავლობაში. მომავალშიც, რამდენჯერაც დაგვიძახებენ, ყველგან აუცილებლად მივალთ და ყველა კითხვას გავცემთ პასუხს, ყველა საპროცესო მოქმედებაში მივიღებთ მონაწილეობას - ნიკა გვარამია ამაზე არ ამბობს უარს. უბრალოდ, ჩვენ ვფიქრობთ, რომ არ არსებობს ის დასაბუთებული ვარაუდის სტანდარტი, რაც აღკვეთის ღონისძიების გამოყენებისთვისაა აუცილებელი და, სწორედ ამიტომ, უკანონოდ მიგვაჩნია აღკვეთის ღონისძიების შეფარდება მის მიმართ“, - განაცხადა დიმიტრი საძაგლიშვილმა.

შეგახსენებთ, რომ "რუსთავი2"- ის ყოფილ გენერალურ დირექტორს ნიკა გვარამიას  40 ათასი ლარის გირაო  შეეფარდა და საქართველოდან გასვლა აეკრძალა. მას პროკურატურა სსკ-ის 220-ე მუხლით გათვალისწინებულ დანაშაულს ედავება (საწარმოში ხელმძღვანელობითი და წარმომადგენლობითი უფლებამოსილების გამოყენება ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია).

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა