2019-08-03 13:27:15, 2879 ნახვა
მსოფლიო
უკრაინაში 119 არალეგალი დააკავეს, მათ შორის საქართველოს მოქალაქეებიც არიან
კიევში 119 არალეგალი მიგრანტი დააკავეს, მათ შორის საქართველოს მოქალაქეებიც არიან, - ამის შესახებ Strana.ua იუწყება.
მედია საშუალების ინფორმაციით, მიგრანტები ბაზარ „ტროეშჩინაში“ მუშაობდნენ. დაკავებულებს შორის აგრეთვე აზერბაიჯანის, უზბეკეთის და ტაჯიკეთის მოქალაქეები არიან.
მედიის ცნობით, მათ მიმართ 59 ადმინისტრაციული ოქმი შეადგინეს. დაკავებულებიდან 50 ადამიანს სამშობლოში იძულებით დააბრუნებენ, ნაწილს უკრაინაში ყოფნის ვადა შეუმცირდა, ხოლო ნაწილი დროებით უცხოელებისა და მოქალაქეობის არმქონე პირების განთავსების პუნქტებში გადაიყვანეს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
