რუსული ლგბტ თემის წარმომადგენლები მიიჩნევენ, რომ აქტივისტი ელენა გრიგორიევა ჰომოფობიურად განწყობილი დაჯგუფების "ხერხი" წევრმა მოკლა, - ამის შესახებ Lenta.ru იუწყება. 

მედია საშუალების ინფორმაციით, დაჯგუფება "ხერხი" ლგბთ აქტივისტებს სისტემატიურად ემუქრება და თავს ესხმის. მათ აქვთ შექმნილი საიტი "ხერხი ლგბტ-ს წინააღმდეგ", საიდანაც აქტივისტებსა და წევრებს მუქარის შემცველ შეტყობინებებს უგზავნიან. მსგავსი შინაარსის წერილებს ელენა გრიგორიევაც იღებდა. მკვლელობამდე ცოტა ხნით ადრე მას თავს დაესხნენ და ფიზიკურად გაუსწორდნენ. დაჯგუფების საიტზე გრიგორივა ე.წ. შავ სიაში იყო შეყვანილი, როგორც "ერთ-ერთი საძულველი აქტივისტი. სიაში მყოფებს კი, სახიფათო სიურპრიზებს უმზადებდნენ". 

მედიის ცნობით, 18 ივლისს საიტი დაიბლოკა, თუმცა გრიგორიევა მიიჩნევდა, რომ დაჯგუფების წევრები კომუნიკაციას პირად ჩატში ახერხებდნენ და თავდასხმების სერიას გეგმავდნენ. მიმდინარე წლის იანვარში, საიტზე რეგისტრირდებოდნენ პირები, რომლებიც მზად იყვნენ ფულის სანაცვლოდ ლგბტ ადამიანები გაეტაცათ და მათზე ფიზიკურად ეძალადათ. 

აქტივისტები აცხადებენ, რომ პოლიციამ მათზე განხორციელებულ თავდასხმებზე შესაბამის რეაგირებას არ ახდენს.

"ისინი გვეუბნებიან: თუ მოკვლას დაგიპირებენ, დაგვირეკეთ, თუმცა ელენამ დარეკვა ვერ მოასწრო", - ამბობენ აქტივისტები. 

შეგახსენებთ, რომ ლგბტ აქტივისტის ელენა გრიგორიევას ცხედარი 21 ივლისს მის საცხოვრებელ სახლთან, სანქტ-პეტერბურგში იპოვეს. მას მრავლობითი ჭრილობები ჰქონდა მიყენებული სახისა და ზურგის არეში. პოლიციამ ცხელ კვალზე 40 წლის მამაკაცი დააკავა. პოლიცია ვარაუდობს, რომ მკვლელობა პირადი კონფლიქტის მოტივით მოხდა. სიძულვილის მოტივს სამართალდამცველები არ განიხილავენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა