ქიბარ ხალვაში უცხოელ მედია-მენეჯერს ეძებს

2019-07-22 11:34:47, 2346 ნახვა

სამართალი

ტელეკომპანია "რუსთავი 2"-ის მფლობელი ქიბარ ხალვაში ახალ მედია-მენეჯერს ეძებს, - ამის შესახებ ბიზნესმენის მიერ გავრცელებულ განცხადებაშია ნათქვამი.

ხალვაშის თქმით, მედია-მენეჯერს სავარაუდოდ ამერიკიდან ან ევროპიდან ჩამოიყვანს.

"ვფიქრობ, რომ კომპანიას აუცილებლად სჭირდება სწორედ დასავლური გამოცდილების მქონე მედია-მენეჯერი, რომელიც დაეხმარება არხს მაღალი ხარისხის, ჟურნალისტური სტანდარტების შესაბამისი, კრიტიკული სატელევიზიო პროდუქტის შექმნაში.

მე დაწყებული მაქვს შესაბამისი კადრის მოძიების პროცესი. სავარაუდოდ, უახლოეს მომავალში შეირჩევა და დაინიშნება მაღალი რეპუტაციის და დიდი სატელევიზიო გამოცდილების მქონე ევროპელი ან ამერიკელი მედია-მენეჯერი.

ვარჩევთ მაღალი რეპუტაციისა და დიდი პრაქტიკული გამოცდილების მქონე უცხოელ მედია-მენეჯერს და დარწმუნებული ვართ, რომ არხზე ამჟამად მომუშავე პროფესიონალები იოლად გამონახავენ მასთან საერთო ენას", - აღნიშნულია განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან