შინაგან საქმეთა მინისტრის მოადგილემ, ნინო ჯავახაძემ მონაწილეობა მიიღო ბათუმის მე-16 საერთაშორისო კონფერენციაში, რომელიც „აღმოსავლეთ პარტნიორობის” დაფუძნების 10 წლისთავს ეძღვნება.

წლევანდელი კონფერენციის საპატიო სტუმარია ევროპული საბჭოს პრეზიდენტი, დონალდ ტუსკი. შინაგან საქმეთა მინისტრის მოადგილე მოხსენებით გამოვიდა კონფერენციის სესიაზე, რომელიც შეეხებოდა განათლებითა და მობილობით ახალი თაობის გაძლიერებას.

მინისტრის მოადგილემ ხაზი გაუსვა „აღმოსავლეთ პარტნიორობის“ ფარგლებში არსებული ორმხრივი და მრავალმხრივი ურთიერთობების, მობილობისა და ხალხთაშორისი კავშირების მნიშვნელობას.

ნინო ჯავახაძემ ისაუბრა საქართველოსა და ევროკავშირს შორის უვიზო მიმოსვლის შედეგად საქართველოს მოქალაქეებისათვის არსებულ ხელშესახებ შედეგებზე და ხაზი გაუსვა უვიზო მიმოსვლის პოლიტიკურ მნიშვნელობას. შესაბამისად, ხაზი გაესვა, რომ საქართველოს მთავრობა განსაკუთრებულ ყურადღებას ანიჭებს ევროკავშირთან უვიზო რეჟიმის წარმატებით განხორციელებას და ამ მიმართულებით, მჭიდროდ თანამშრომლობს ევროკავშირის ინსტიტუტებთან.

აღნიშნულ სესიაში ასევე მონაწილეობდნენ საქართველოს განათლების, მეცნიერების, კულტურისა და სპორტის მინისტრის მოადგილე - ირინა აბულაძე, ევროკავშირის სამეზობლო პოლიტიკის გენერალური დირექტორატის, აღმოსავლეთ სამეზობლოს დირექტორი - ლორენს მერედიტი, მიგრაციის საერთაშორისო ორგანიზაციის ევროკავშირის რეგიონალური ოფისის დირექტორი - ოლა ჰენდრიკსონი და ბელარუსის საგარეო საქმეთა მინისტრის მოადგილე - ევგენი შესტაკოვი. სესიას მოდერაციას უწევდა ევროპარლამენტის ყოფილი წევრი კლერ მუდი.

(NS)

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.