20 ივნისს პარლამენტის წინ მიმდინარე მოვლენების საქმეზე ოპოზიციური პარტიის წევრები ხატია დეკანოიძე, ბაჩუკი ქარდავა და გუბაზ სანიკიძე მოწმის სტატუსით შსს-ში გამოკითხვაზე დაიბარეს.

მათი განცხადებით, ისინი  ჩვენებას მაგისტრი მოსამართლის თანდასწრებით საქალაქო სასამართლოში მისცენ.

„ყველა კითხვაზე გავცემ პასუხს სასამართლო დარბაზში მაგისტრანტ მოსამართლესთან თუმცა რა კითხვები უნდა ჰქონდეთ გუშინწინდელ გავრცელებულ კადრების შემდეგ, სადაც ოპოზიციის ლიდერები შედიოდნენ კორდონში როდესაც დაიწყეს მხუთავი გაზის სროლა და რეზინის ტყვიების სროლა. ეს ემსახურება მხოლოდ ერთ მიზანს რომ პოლიტიკური ზეწოლა განახორციელონ“, -განაცადა ხატია დეკანოიძემ.

საგამოძიებო უწყებაში გამოკითხვაზე დაბარება  არ გაჰკვირვებია.

„გადასერივია, ველოდებოდი ამას დიდი სასოებით. იმიტომ, რომ როცა ქვეყანას მართავენ მოღალატეები მაშინ პატრიოტები ციხეში უნდა ვიჯდეთ. ადამიანები რომლებიც ვცდილობდით როგორმე დაგვეშორიშორებინა ერთმანეთისთვის დაპირისპირებული მხარეები, არ მომხდარიყო უფრო მძიმე შედეგები, პირიქით ჩვენ გვაბრალებენ“, -განაცხადა გუბაზ სანიკიძემ.

ამავე საქმეზე შსს-მ რამდენიმე დღის წინ გამოკითხვაზე დაიბარა გიგი უგულავა, ირაკლი ოქრუაშვილი და გიორგი ბარამიძე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო