შინაგან საქმეთა მინისტრმა გიორგი გახარიამ „ტვ პირველის“ პირდაპირი ეთერის მეშვეობით, საპროტესტო აქციის „სირცხვილია“ მონაწილეებს მიმართა.

წამყვანის, ინგა გრიგოლიას კითხვაზე, რას ეტყვის მინისტრი იმ ახალგაზრდებს, რომლებიც 22 დღეა მის გადადგომას ითხოვენ, გახარიამ შემდეგი განცხადება გააკეთა:

„პირველ რიგში იმ აქტიურმა ახალგაზრდებმა, რომლებიც დგანან დღეს იმ აქციაზე, არ აქვს მნიშვნელობა რას ითხოვენ, უნდა გავითვალისწინოთ ერთი რამ, რომ უდიდესი პასუხისმგებლობაა, როდესაც შენ თვლი, რომ მოქმედებ ყოველდღიურად ქვეყნის ინტერესებიდან გამომდინარე, არ აქვს მნიშვნელობა შენ ხარ თანამდებობაზე, იკავებ რაიმე პოზიციას, დგახარ აქციაზე, ხარ პოლიციელი, ხარ ჯარისკაცი, როდესაც შენ თვლი, რომ შენი ქმედება განპირობებულია არა შენი სუბიექტური ინტერესებიდან, არამედ საყოველთაო, ქვეყნის ინტერსებიდან გამომდინარე, უნდა ვისწავლოთ ერთი რამ, ვუსმინოთ ერთმანეთს. მე არანაირი პრობლემა არ მაქვს მათთან საუბრის. ვისაუბროთ იმაზე, რაც მმათვის საინტერესოა, მაგრამ უნდა გავითვალისწინოთ, როდესაც გამოხატვის თავისუფლება არის მშვიდობიანი, პოლიცია ყოველთვის იზრუნებს მათზე, როგორც ზრუნავდა აქამდე და როგორც ზრუნავს დღეს, მაგრამ როგორც კი, არ აქვს მნიშვნელობა რის გამო, ეს აქცია გახდება ძალადობრივი, მიიღებს შტურმის და პოლიციაზე ან სახელმწიფო ინსტიტუტებზე შეტევის სახეს, უდნა ვიცოდეთ, რომ პოლიცია ვალდებულია იმოქმედოს, დაიცვას სახელმწიფო და სახელმწიფო ინსტიტუტები იმისთვის, რომ ამ ახალგაზრდებმა იცხოვრონ დემოკრატიულ, ნორმალურ ქვეყანაში და არა ქაოსში, გაიზარდონ და თავისი მომავალი დაუკავშირონ იმ ქვეყანას, სადაც კანონი და სამართალი არის უზენაესი და არა ძალადობა და პოლიტიკური წესწყობილების შეცვლა ფიზიკური შეტევებით პარლამენტზე. ამიტომ დაველოდოთ არჩევნებს. ვინ უფრო მიემხრობა რადიკალიზაციას, ამომრჩეველი მას დასჯის“, - მიმართა შს მინისტრმა აქციის მონაწილეებს.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო