შინაგან საქემთა მინისტრის, გიორგი გახარიას განცხადებით, აქციის დროს მძიმედ დაშავებულ დავით გრიგორიანს, რომელიც ამ დრომდე საავადმყოფოში იმყოფება, რეზინის ტყვია არ მოხვედრია.

როგორც მინისტრმა განმარტა, გრიგორიანი თავის არეში დაზიანება ბლაგვი საგნით აქვს მიყენებული.

„დავით გრიგორიანს ტყვია საერთოდ არ აქვს მოხვედრილი. საერთოდ, როდესაც ვიღაც საუბრობს დათვის და რაღაც მსგავს ტყვიებზე, ეს არის სიცრუეა. გრიგორიანი ამ მდგომარეობაში არის ბლაგვი საგნით თავის არეში მიყენებული დაზიანებით. მან როდის, სად და რა პირობებში მიიღო ეს დაზიანება, არის გამოძიების საგანი. ის კომაში აღარ არის. მე დეტალურ ყველაფერი ვიცი გრიგორიანზე“, - განაცხადა მინისტრმა.

მან ასევე მადლობა გადაუხადა სასწრაფო სამედიცინო დახმარების ექიმებს იმისათვის, რომ აქციის მონაწილეების ჯანმრთელობაზე მყისიერად და მაღალპროფესიონალურად იზრუნეს.

„საბედნიეროდ, ზოგიერთ ვაი პოლიტიკოსს, რა დონეზეც და როგორც არ უნდა დომებოდა, რომ ეს აქცია, სამწუხარო ღონისძიება დასრულებულიყო კიდევ უფრო მძიმე შედეგებით, საბედნიეროდ, ჩვენი სამედიცინო სისტემის თანამშრომლებს უნდა გადავუხადოთ მადლობა, რომ დღეს სამედიცინო სისტემაში გვყავს მხოლოდ ორი ადამიანი, რომელთა მდგომარეობაც არის სტაბილური, პოზიტიური პროგნოზით“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.