„როდესაც ვიღაც ამბობს, რომ სამართალდამცველები აქციის მონაწილეებს დამიზნებით ესროდნენ თვალში, ეს არის აბსურდი, სიცრუე და ჩვეულებრივი ტყუილი!“, - ამის შესახებ შინაგან საქმეთა მინისტრმა გიორგი გახარიამ „ტვ პირველის“ გადაცემა „რეაქციაში“ განაცხადა.

როგორც მან აღნიშნა, საკითხში გარკვეული ნებისმიერი ადამიანი იტყვის, რომ აქციაზე გამოყენებული ტყვიების დამიზნება შეუძლებელია.

„ეს არის არალეტალური ტყვია, რომელიც გამოიყენება სამართალდამცავი სისტემის მიერ მასების მართვისთვის, არა მარტო საქართველოში, არამედ ყველგან, საერთაშორისო სტანდარტების შესაბამისად. ყველა ტყვია, რაც იყო გამოყენებული, 4 სახის, არის სრულ შესაბამისობაში საქართველოს კანონმდებლობასთან. სხვათაშორის ეს ნარინჯისფერი არის 2012 წელს შეძენილი. მას შემდგომ ყოველთვის ყველგან იყო აღჭურვილობაში. ამ ტყვიას ინსტრუქციაში უწერია, რომ მისი გამოყენების ეფექტურობის მანძილი არის 10 მეტრიდან, შინაგან საქმეთა მინისტრის ბრძანებით, ინსტრუქციით, ჩვენს პოლიციელებს აქვთ მითითება, რომ ეს ტყვია უნდა იყოს გამოყენებული მხოლოდ 20 მეტრიდან. ასევე გეტყვით, ყველა პროფესიონალი, ვისაც თემა ესმის, იტყვის, რომ ამ ტყვიის დამიზნება შეუძლებელია. როდესაც ვიღაც ამბობს, რომ დამიზნებით ესროდნენ თვალში, ეს არის აბსურდი, სიცრუე და ჩვეულებრივი ტყუილი“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.