იუსტიციის საბჭოს არამოსამართლე წევრიბი, ანა დოლიძე და ნაზი ჯანეზაშვილი უზენაესი სასმართლოს დაკომპლექტების პროცესის შეჩერებას ითხოვენ. 

ისინი მიიჩნევენ, რომ პროცესში უამრავი შეცდომაა დაშვებული. 

„13-დან 10 ბიულეტენი შემოხაზული იყო ერთნაირი სქემითა და დამთხვევების ძალიან მარალი ხარისხით. ანუ, სახალხო დამცველმა აღნიშნა ამ ბიულეტენის შესწავლის შედეგად, რომ სულ მცირე ათ ბიულეტენში, ანუ ათმა ადამიანმა, რაც ძალიან ემთხვევა იმ მაფიოზურ შემადგენლობას, რომელიც უკვე ჩამოყალიბდა და ჩაცემენტდა იუსტიციის საბჭოში, ათმა ადამიანმა ერთნაირი სქემით შემოხაზა კანდიდატები. გარიგებები არა თუ სასამართლო სფეროში,  ფეხბურთის სფეროშიც ისჯება, თუმცა ზიანი, რად უნდა ლაპარაკი, უდავოდ უფრო დიდია, როდესაც მსგავს გარიგებებს, ჩუმ შეთანხმებებს, რაც არის მაფიოზური ხელწერა, ადგილი აქვს იმ სფეროში, რომლითაც განისაზღვრება ჩვენი ქვეყნის სამართლიანი, თუ უსამართლო მომავალი“, - განაცხადა დოლიძემ.

ამასთან, ნაზი ჯანეზაშვილი აცხადებს, რომ პროცესში ნეპოტიზმის ფაქტები ფიქსირდება.

„ეს დარღვევები უკავშირდება კონკრეტული ჩინჩალაძის მაფიის ინტერესებს. პირველ რიგში, თქვენ იცით, რომ კონკურსში მონაწილეობენ ჩვენი იუსტიციის უმაღლესი საბჭოს მოსამართლე წევრების, თამარ ონიანისა და ირაკლი შენგელიას ოჯახის წევრები, ნათესავები. ანუ, ერთ შემთხვევაში ეს არის ცოლის ძმა, მეორე შემთხვევაში ეს არის - მაზლი. ეს არის აბსოლუტურად მიუღებელი. ჩვენთვის წარმოუდგენელია, როგორ შეიძლება კონსტიტუციურ ორგანოში ხდებოდეს ასეთი რამ, რომ საბჭოს წევრები არჩევანს აკეთებდნენ, კენჭის ყრაში მონაწილეობას ღებულობდნენ იმ ადამიანთან მიმართებაში, რომელიც არის მათი ნათესავი. პროცესი არის დაზიანებული და ძალიან დიდი საქმე არის გაფუჭებული. მოვითხოვთ, რომ პროცესი შეწყდეს და გამოცხადდეს კონკურსი თავიდან",- განაცხადა ჯანეზაშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.