რუსეთის საბჭოს საერთაშორისო კომიტეტის თავმჯდომარე კონსტანტინ კოსაჩოვი მიიჩნევს, რომ საპარლამენტთაშორისო კონტაქტები დიპლომატიური ურთიერთობის უქონლობის პირობებში წახალისებული უნდა იყოს, მაგრამ უსაფრთხოების ზომების არარსებობა ასეთ დიალოგს შეუძლებელს ხდის.

ინფორმაციას "რია ნოვოსტი" ავრცელებს. 

"საპარლამენტო ხაზით ვიზიტები, დიპლომატიური ურთიერთობების არსებობის პირობებში არა მხოლოდ შესაძლებელია, არამედ ჩემი ღრმა რწმენით, უნდა იყოს წახალისებული ორივე მხარის მიერ. რა თქმა უნდა, ეს უნდა ხდებოდეს იმ შემთხვევაში, თუ ურთიერთობების ნორმალიზების ინტერესი არსებობს", - განაცხადა კოსაჩოვმა.

ამასთან, კოსაჩოვის განცხადებით, აუცილებელი პირობაა, შესაძლო ვიზიტების ყველა პარამეტრის წინასწარ შეთანხმება, მათ შორის "მასპინძელი მხარის მიერ ჩამსვლელი დელეგაციებისთვის საზოგადოდ მიღებული სტუმართმოყვარეობისა და უსაფრთხოების ნორმების გარანტირება“.

„ამ პირობების დაცვის შემთხვევაში, მხარს დავუჭერ რუსეთ-საქართველოს დიალოგის აქტივიზაციას საპარლამენტო ხაზით. ამის გარეშე დიალოგის წარმოება შეუძლებლად მიმაჩნია“, - განაცხადა კონსტანტინ კოსაჩოვმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება