ევროკავშირმა რუსეთს ეკონომიკური სანქციები კიდევ 6 თვით გაუხანგრძლივა, - ამის შესახებ ევროგაერთიანების ვებვერდზე გამოქვეყნებულ განცხადებაშია აღნიშნული. 

სანქციები 2020 წლის 31 იანვრამდე იმოქმედებს.

გავრცელებული ინფორმაციის თანახმად, გადაწყვეტილება მინსკის შეთანხმების შესრულების შესახებ  საფრანგეთის პრეზიდენტის ემანუელ მაკრონისა და გერმანიის კანცლერის ანგელა მერკელის მოხსენების შემდეგ მიიღეს. ლიდერები მოხსენებით 20-21 ივნისს გამართულ ევროკავშირის სამიტზე წარსდგნენ. 

რუსეთის წინააღმდეგ სანქციები აშშ-მა და ევროკავშირმა 2014 წელს ყირიმის შეერთებისა და მოგვიანებით, უკრაინის სამხრეთ-აღმოსავლეთით კონფლიქტის გამო დააწესეს. სანქციები რუსეთის ეკონომიკის ფინანსურ, ენერგეტიკულ და თავდაცვითი წარმოების სფეროებზე ვრცელდება. ამის საპასუხოდ ოფიციალურმა მოსკოვმა რუსეთში მათი პროდუქტის ექსპორტი აკრძალა.

ცნობისთვის, ევროკავშირი ყოველ ნახევარ წელიწადში ერთხელ იღებს რუსეთისთვის სანქციების გახანგრძლივების გადაწყვეტილებებს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო