ამერიკის შეერთებული შტატების პრეზიდენტის დონალდ ტრამპისა და სახელმწიფო დეპარტამენტის აკრძალვის მიუხედავად, აშშ-ის საელჩოების ნაწილმა ლგბტქ+ დროშა მაინც აღმართა, - ამის შესახებ BBC იუწყება.

მედია საშუალების ინფორმაციით, სახელმწიფო დეპარტამენტის აკრძალვას ამერიკელი დიპლომატების ნაწილი არ დაემორჩილა. კერძოდ, ისრაელში მდებარე ამრიკის საელჩო ერთ-ერთი პირველი იყო, რომელმაც ლგბტ თემის დროშა აღმართა. ამის შემდეგ თემის მხარდამჭერი დროშები აშშ-ის კიდევ 5-მა საელჩომ გამოფინა. ესენია: აშშ-ის საელჩო გერმანიაში, ბრაზილიაში, ლატვიაში, სამხრეთ კორეაში, ინდოეთსა და მონღოლეთში. 

მედიის ცნობით, აშშ-ის ვიცე-პრეზიდენტმა მაიკ პენსმა განაცხადა, რომ თეთრ სახლზე, კაპიტოლიუმის შენობასა და აშშ-ის საელჩოებზე მხოლოდ ამერიკის დროშა უნდა ფრიალებდეს.  აღსანიშნავია, რომ პენსი ქრისტიანია, რომელიც ერთი და იმავე სქესის მქონე ადამიანების ქორწინებას არ ემხრობა. 

მანამდე თეთრი სახლის ლიდერმა დონალდ ტრამპმა ლგბტქ+ თემის წარმომადგენლებს მხარი დაუჭირა. როგორც ტრამპმა აღნიშნა, მისმა ადმინისტრაციამ ჰომოსექსუალობის დეკრიმინალიზაციის გლობალური კამპანია დაიწყო. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო