„ავტორიტეტულო გამოცემის Global finance - ის შეფასება დადებითი გზავნილია საქართველოს ეკონომიკაში ინვესტირების განხორციელებით დაინტერესებული საფინანსო წრეებისთვის, რადგან მათთვის საქართველოში არსებობს არა მხოლოდ ლიბერალური და რეგიონში ერთერთი ყველაზე დაბალი საგადასახადო ტვირთის მქონე ბიზნეს გარემო, არამედ განხორციელებული რეფორმები და მიმდინარე ეკონომიკური პოლიტიკა უზრუნველყოფს სტაბილურ ეკონომიკურ ზრდას და ინვესტიციების დაცულობას“, - ასეთი კომენტარი გააკეთა ეკონომიკისა და მდგრადი განვითარების მინისტრის მოადგილე ეკატერინე მიქაბაძემ Global finance - ის შეფასების მიმართ.

მინისტრის მოადგილის განცხადებით, გამოცემაში აღნიშნულია, რომ საქართველოს მთავრობა მნიშვნელოვნად აუმჯობესებს ქვეყნის ეკონომიკურ გარემოს და მიმზიდველს ქმნის ჩვენს ეკონომიკას უცხოელი ინვესტორებისთვის.

„საქართველოს მთავრობის პრიორიტეტია პროაქტიული პოლიტიკის გატარება უცხოელ ინვესტორებთან, ბიზნეს კლიმატის კიდევ უფრო გაუმჯობესება და შესაბამისად, ცოდნასა და ტექნოლოგიებზე დაფუძნებული ახალი ინვესტიციების მოზიდვა ქვეყანაში," - განაცხადა ეკატერინე მიქაბაძემ.

ავტორიტეტულმა საერთაშორისო ფინანსურმა გამოცემამ Global Finance - მა საქართველო, ეკონომიკურ სტაბილურობაზე, მმართველობისა  და ბიზნეს რეგულაციების ხარისხის მაჩვენებლებზე დაყრდნობით, ყველაზე დინამიური საინვესტიციო მიმზიდველობის მქონე ქვეყანებს შორის დაასახელა.  Global Finance - მა საქართველო იმ ქვეყნებს მიაკუთვნა, რომლებიც საყურადღებოა მკვეთრი ზრდისა და ინვესტორების მხრიდან ინტენსიური ინტერესიდან გამომდინარე. აღნიშნულ ჯგუფში საქართველო არის მოწინავე  ევროპის ქვეყნებს შორის.

Global Finance-ის აღნიშნული შეფასებისას ეყრდნობა ხუთ ეკონომიკურ კომპონენტს: მშპ-ს ზრდის პროგნოზს, პირდაპირი უცხოური ინვესტიციების ცვლილებას, კორუფციის აღქმას ქვეყანაში, ქვეყნის კონკურენტუნარიანობას და ბიზნესის კეთების სიმარტივეს. ამასთან, ეკონომიკური კომპონენტების მიხედვით, საქართველო ხვდება ტოპ 10 საუკეთესო შედეგის მქონე ქვეყნებს შორის ბიზნესის კეთების სიმარტივის და კორუფციის აღქმის კომპონენტის მიხედვით.

Global Finance-ი საქართველოს აღწერს როგორც ქვეყანას, რომელიც ხასიათდება ბიზნეს გარემოს სწრაფი გაუმჯობესებით, მაღალი ზრდითა და ევროკავშირთან მჭიდრო ურთიერთობით.

(NS)

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა