„ძალიან ბევრი ტყუილ-მართალი მოვისმინეთ გუშინ, სიმართლე კი არის ერთი: ტექნიკური და სამშენებლო ზედამხედველობის სააგენტოს მიერ გაცემული დოკუმენტი, რომელიც უკვე გაუქმდა, არ იყო სამშენებლო ნებართვა - ეს იყო მიწის ნაკვეთების სამშენებლოდ გამოყენების პირობების დამტკიცების შესახებ დოკუმენტი, რომელიც, ამასთან ერთად, დარღვევით იყო გაცემული და უკვე გაუქმებულია.  ამ დოკუმენტის გაცემა არ ყოფილა შეთანხმებული ჩემთან - ეს განმარტება ნათია თურნავამ ჟურნალისტების კითხვის საპასუხოდ გააკეთა.

 ნათია თურნავას შეფასებით, სწორედ იქიდან გამომდინარე, რომ  დოკუმენტი არ იყო სამშენებლო ნებართვა, აშკარად გადაჭარბებული იყო ინვესტორის მიერ გამოხატული რეაქცია და აჟიოტაჟი, რაც  აზიანებს ანაკლიის პროექტს.

 „გარდა ამისა, სამწუხაროა, რომ იმდენი სახელი და გვარი დასახელდა გუშინ, რომლებიც  თითქოს პორტთან კავშირში ფიგურირებენ, რომ თავად ფოთის პორტის მმართველი კომპანია დარჩა გაკვირვებული, თურმე რამდენი „პარტნიორი" ჰყოლია საქართველოში“, - განუცხადა მედიის წარმომადგენლებს ეკონომიკისა და მდგრადი განვითარების მინისტრმა.

(NS)

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა