კახეთის საინვესტიციო ფორუმზე ნათია თურნავამ ტრადიციულ მწვანე ენერგეტიკასა და მის მნიშვნელობაზე ისაუბრა. მინისტრის შეფასებით, ჰიდროსადგურების განვითარების თვალსაზრისითაც კახეთი ძალიან გამორჩეულია რეგიონია.

 „2012 წლიდან მოყოლებული,  განსაკუთრებით აქტიურად ვავითარებთ მცირე ჰიდროსადგურებს. ეს პროცესი მიდის სწრაფად, მიუხედავად იმისა, რომ მეტი გამოწვევა გვაქვს, მეტი კომუნიკაცია გვჭირდება, მეტად ვაქცევთ ყურადღებას გარემოსდაცვით, ეკოლოგიურ პირობებს, რადგან ამ თვალსაზრისითაც მეტად ვართ უკვე ინტეგრირებულები ევროპულ მოთხოვნებთან და სტანდარტებთან. ბოლო 5-6 წელიწადში კახეთში  აშენებული გვაქვს 6 მცირე და საშუალო ჰიდროსადგური, ჯამში 29 მეგავატი სიმძლავრით - ეს არის ათეულობით მილიონი დოლარის ინვესტიცია უშუალოდ კახეთში და  ეს არის ასობით დასაქმებული ადამიანი",ეკონომიკის მინისტრის შეფასებით, ჰიდროსადგურების განვითარების თვალსაზრისით კახეთი ძალიან გამორჩეულია რეგიონია“, - აღნიშნა ეკონომიკის მინისტრმა.

 როგორც ნათია თურნავამ ფორუმის მონაწილეებს  განუცხადა, დაგეგმილია და სხვადასხვა სტადიაზეა კიდევ 5 ჰიდროსადგურის პროექტი.  „ეს არის დამატებით ას მილიონზე მეტი ინვესტიცია, ეს არის ათეულობით მუდმივმოქმედი სამუშაო ადგილი, ეს არის დაახლოებით 400 მილიონი კვ/სთ. ადგილობრივი წარმოების ელექტროენერგია, რომელიც ჩვენ ძალიან გვჭირდება იმისთვის, რომ არ ვიყოთ დამოკიდებული გარე რესურსზე ამ მნიშვნელოვან სფეროში", - განაცხადა ნათია თურნავამ.

(NS)

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა