„ერთიანი ნაციონალური“ მოძრაობის წევრი, პარლამენტის დეპუტატი თინა ბოკუჩავა აცხადებს, რომ ზუგდიდის მე-9 საარჩევნო უბნიდან სამართალდამცველებმა ძალის გამოყენებით გამოაძევეს.

როგორც მან აღნიშნა, სამართალდამცველებს შორის ზუგდიდის კრიმინალური პოლიციის უფროსი, ირაკლი ფაცაციაც იყო.

დეპუტატის თქმით, მას გამოძევების მიზეზად პირადობის მოწმობის არ ქონა დაუსახელეს, თუმცა ბოკუჩავა აღნიშნავს, რომ ეს დარღვევა არ არის და დღის განმავლობაში სხვადასხვა უბნებში მართვის მოწმობით უპრობლემოდ შედიოდა.

 „აქ იმყოფება უფორმო პოლიციელი, რომელიც მოვარდა და ყველაზე მეტად სწორედ ის ძალადობდა ჩემზე, თუმცა ერთი ადამიანი არ იყო, დაახლოებით ათი პოლიციელი მომვარდა, მათ შორის ზუგდიდის კრიმინალური პოლიციის ხელმძღვანელი ირაკლი ფაცაცია, რომლებმაც ძალის გამოყენებით, სრულიად ბრუტალურად გამომათრიეს უბნიდან, მაშინ როდესაც მე ვცდილობდი კომისიის წევრები გამერკვია კანონში. თუ მართვის მოწმობის გამოყენება აქ იყო პრობლემა, მაშინ რატომ არ იყო პრობელმა არაერთ უბანზე დღის განმავლობაში, რომელშიც გახლდით. ეს არის სრულიად სასაცილო, აბსურდული არგუმენტი, რომელიც მათ გამოიყენეს. უბრალოდ თვითნებურად გადაწყვიტეს, რომ მე ამ უბანზე არ უნდა ვყოფილიყავი, რადგან მეცხრე უბანი, არის სწორედ ის უბანი, სადაც მოხდა დაპირისპირება და ჟურნალისტს ფიზიკურად გაუსწორდა ორი პირი და დააკავეს ისინი. ჩემმა გამოჩენამ გამოიწვია ძალიან სერიოზული პანიკა საუბნო კომისიის ხელმძღვანელობაში, გადაწყვიტეს, რომ დაერეკათ პოლიციაში და პოლიციელები არც კი გაერკვნენ სიტუაციაში ისე მეცნენ. მე ვთხოვდი, მოეცათ საშუალება, დამერეკა ცენტრალური საარჩევნო კომისიის თავმჯდომარესთან, იმიტომ რომ მე ვარ „ნაციონალური მოძრაობის“ წარმომადგენელი ცესკოში და გაეარათ მათთან კონსულტაცია, მაგრამ ეს არ ისურვეს. ეს იყო ფიზიკური ძალადობა პარლამენტის წევრზე“, - განაცხადა თინათინ ბოკუჩავამ.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე