მიმდინარე ხარჯები განაგრძობს შემცირების ტენდენციას, - აღნიშნა ფინანსთა მინისტრმა ივანე მაჭავარიანმა დღეს საერთაშორისო სავალუტო ფონდის მისიასთან შემაჯამებელი შეხვედრის შემდეგ მისიის ხელმძღვანელთან და ეროვნული ბანკის პრეზიდენტთან ერთად გამართულ  ბრიფინგზე.

როგორც მან განაცხადა მიმდინარე ხარჯები 2016 წელს არსებული 26,0 პროცენტიდან  2018 წელს შემცირდა 23.1 პროცენტამდე, ასევე,  მნიშვნელოვნად დაჩქარდა კაპიტალური ხარჯები.

„დღეს, აღმოსავლეთ-დასავლეთის მაგისტრალის, ისევე როგორც ქვეშეთი-კობის მიმართულებით, პრაქტიკულად, ყველა მონაკვეთზე სამუშაოები ან დაწყებულია ან ტენდერის ბოლო ეტაპზეა. ყველა ეს კაპიტალური ხარჯი სრულად არის გაწერილი ჩვენს ფისკალურ ჩარჩოში და მათზე დაფინანსება სრულად არის მოძიებული საფინანსო ინსტიტუტებიდან" , - აღნიშნა ივანე მაჭავარიანმა.

მან, ასევე, ყურადღება გაამახვილა ფისკალურ დეფიციტზე და აღნიშნა, რომ ის სტაბილურად მშპ-ის 2.5 პროცენტის ფარგლებშია.

„ეს არის ნიშნული, რომელიც მიუთითებს, რომ საბიუჯეტო სექტორი ქვეყანაში სტაბილური მაკროეკონომიკური გარემოს გარანტია", - განაცხადა მან.

ფინანსთა მინისტრმა, ასევე, ისაუბრა ქვეყნის სარეიტინგო პოზიციების გაუმჯობესების მნიშვნელობაზე და აღნიშნა, რომ ეს პროგრესი საქართველოს მიერ გატარებული წარმატებული რეფორმების შედეგია.

ივანე მაჭავარიანმა მადლობა გადაუხადა საერთაშორისო სავალუტო ფონდის ხელმძღვანელს და მის გუნდს ნაყოფიერი თანამშრომლობისა და   მხარდაჭერისთვის და იმედი გამოთქვა, რომ ფონდთან მიმდინარე პარტნიორობა წარმატებით გაგრძელდება მომავალში.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა