„ჩვენს წინაშე მდგრადი ამოცანა ნათელია. ესაა, დაჩქარებული ეკონომიკური ზრდა, რომელიც უნდა გადანაწილდეს ყველა ოჯახის სასარგებლოდ“,  - განაცხადა ეკონომიკისა და მდგრადი განვითარების მინისტრმა ნათია თურნავამ. გადაცემა „ფორბსის კვირისთვის" მიცემულ ინტერვიუში მინისტრმა ყურადღება გაამახვილა პრიორიტეტულ მიმართულებებზე.

„პირველია სწრაფ ზრდაზე მორგებული საინვესტიციო პოლიტიკა „ერთი ფანჯრის პრინციპი", რომელიც ასევე ითვალისწინებს პრივატიზაციის პროცესის დაჩქარებას. ამ მიზნით, ჩვენ ვგეგმავთ ქონების მართვის სააგენტოს რეფორმირებას. დაჩქარებული ეკონომიკური ზრდისთვის აუცილებელია ყველა რეზერვის ამოქმედება და საინვესტიციო პოლიტიკის ინვესტორების საჭიროებებზე „მორგება", - განაცხადა მინისტრმა.

ნათია თურნავას განცხადებით, პრივატიზებას ექვემდებარება 1 მილიარდი ლარის სახელმწიფო ქონება. „ჩვენ პრივატიზების საპროგნოზო მაჩვენებელი ძალიან დაბალი გვაქვს, მაგრამ ჩვენს მას აუცილებლად გავზრდით. ვფიქრობ, რომ თავისუფლად საპრივატიზებო მაჩვენებელი 100 მლნ ლარამდე გავზარდოთ და შევასრულოთ," - განაცხადა მან.

ეკონომიკისა და მდგრადი განვითარების მინისტრმა ასევე ყურადღება გაამახვილა ადგილობრივი ბიზნესის დაცვაზე. მისი თქმით, აუცილებელია დავიცვათ ქართული ბიზნესი, ქართული წარმოება არა მხოლოდ ქვეყნის შიგნით, არამედ მის ფარგლებს გარეთ, გარე ბაზრებზეც.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე