23 აპრილს, 15:00 საათზე, ფაბრიკას საკონფერენციო დარბაზში Impact Hub Tbilisi უმასპინძლებს  GIST-ის რეგიონული სტარტაპ ტრენინგის ფინალს. ღონისძიებას დაესწრებიან აშშ-ის ელჩის მოვალეობის შემსრულებელი საქართველოში ელიზაბეტ რუთი, საქართველოს ინოვაციების და ტექნოლოგიების სააგენტოს თავმჯდომარე ავთანდილ კასრაძე და Pain Care Labs-ის დამფუძნებელი ემი ბექსტერი.

80 ახალგაზრდა მეწარმე საქართველოდან, სომხეთიდან და აზერბაიჯანიდან სტუმრებისა და ჟიურის წინაშე წარადგენენ თავიანთ ინოვაციურ იდეებს მეცნიერებისა და ტექნოლოგიების მიმართულებით. ტრენინგის მონაწილეები წინასწარი განაცხადების საფუძველზე იქნენ შერჩეული. მათ სამი დღის განმავლობაში ამერიკელ ექსპერტებთან ერთად იმუშავეს სამეწარმეო უნარების განვითარებასა და თავიანთი იდეების დახვეწაზე.

ღონისძიებაზე გამოვლინდება ორი გამარჯვებული გუნდი: I ადგილი მიიღებს 2000 დოლარს და დამატებითი ინკუბაციისთვის გაემგზავრება ამერიკის შეერთებულ შტატებში. II ადგილს გადაეცემა ფულადი ჯილო 1000 დოლარის ოდენობით.

ამერიკის სახელმწიფო დეპარტამენტმა, Impact Hub Tbilisi-თან და VentureWell-თან თანამშრომლობით, ჩაატარა ოთხდღიანი ტრენინგი, რომლის ფარგლებშიც ახალგაზრდებს ჰქონდათ შესაძლებლობა მიეღოთ ცოდნა საკუთარი ბიზნესის განვითარებისთვის  და გაეზიარებინათ საერთაშორისო მენტორების  უნიკალური გამოცდილება.

(NS)

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა