უკრაინამ, ქერჩის სრუტეში გასული წლის 25 ნოემბერს რუსეთის მიერ დაკავებული მეზღვაურების გათავისუფლების თხოვნით, საერთაშორისო ტრიბუნალს მიმართა, - ამის შესახებ უკრაინის პრეზიდენტმა პეტრო პოროშენკომ Facebook-ის საკუთარ გვერდზე დაწერა. 

პოროშენკოს თქმით, რამდენიმე კვირაში ტრიბუნალი რუსეთს დაავალდებულებს, რომ უკრაინელი სამხედროები გაათავისუფლოს და ოფიციალურ კიევს კუთვნილი გემები გადასცეს.  მან აგრეთვე მოსკოვი ადამიანის უფლებების უპატივცემულობაში დაადანაშაულა. 

"რუსეთს ჯერ კიდევ აქვს შანსი, რომ ჩვენი დაკავებული მეზღვაურები და კუთვნილი გემები გადმოგვცეს", - წერს პრეზიდენტი პოროშენკო. 

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო

რუსეთმა კიევში კიდევ ერთ ხიდს, დნეპრის მაღალსართულიან შენობასა და ბიზნეს ცენტრს შეუტია, 4 ადამიანი დაშავდა

მედიასაშუალებებმა გაამჟღავნეს flydubai-ს პილოტის ვინაობა, რომელმაც ბორტზე ტერორისტული თავდასხმის განხორციელება სცადა

ტრამპმა ამერიკელებს ალაბამაში ახალი ხიდისთვის მისი სახელის დარქმევა შესთავაზა