2019-04-05 14:30:36, 1824 ნახვა
სამართალი
კვლევის თანახმად, პოლიციას მოსახლეობის 80% სრულად ან ნაწილობრივ ენდობა
„საერთაშორისო გამჭვირვალობა - საქართველოს“ დაკვეთით, 2019 წლის 20 თებერვლიდან 5 მარტის პერიოდში „კავკასიის კვლევითი რესურსების ცენტრის” (CRRC) მიერ მთელი ქვეყნის მასშტაბით საზოგადოებრივი აზრის კვლევა ჩატარდა.
„საერთაშორისო გამჭვირვალობა-საქართველოს" საზოგადოებრივი აზრის კვლევის შედეგად ირკვევა, რომ კითხვაზე რამდენად ენდობით ან არ ენდობით პოლიციას, პასუხები ასე გადანაწილდა:
სრულად ან ნაწილობრივ პოლიციას მოსახლეობის 80% ენდობა, ხოლო 17 % უფრო არ ენდობა, ან საერთოდ არ ენდობა. უარი პასუხზე კი 4% -მა დააფიქსირა.
აღსანიშნავია, რომ „საერთაშორისო გამჭვირვალობამ 2087 ადამიანი გამოკითხა და კვლევის ცდომილება 2,3%-ს შეადგენს.
ავტორი: ექსპრესნიუსი,
epn.ge (@expressnews.ge)
