დეპუტატ გედევან ფოფხაძის განცხადებით, მიუხედავად იმისა, რომ აღარ ირიცხება „ქართული ოცნების“ რიგებში, პარტიის თავჯდომარეზე აგრესიული რიტორიკით საუბარს არ აპირებს.

როგორც მან დღეს გამართულ პრესკონფერენციაზე განმარტა, ივანიშვილის მიმართ აქვს პრეტენზიები, თუმცა არის საკითხები, რის გამოც მის ქმედებებს პოზიტიურად აფასებს.

„ახლა თუ ვინმეს იმის მოლოდინი აქვს რომ  მე ახლა დავიწყებ ბიძინა ივანიშვილის მისამართით აგრესიულ რიტორიკას ეს არ იქნება და არა იმიტომ, რომ ის ამას არ იმსახურებს. მე მგონია, რომ მე არ მაქვს ამისი უფლება, როდესაც ვტოვებ იმ პოლიტიკურ გუნდს, რომლის წევრიც 6 წელი ვიყავი, როდესაც შენ თანამონაწილე ხარ ძალიან ბევრი პროცესის და ამავე დროს თვლი, რომ ბიძინა ივანიშვილი სხვადასხვა საკითხებში მართალია და  2012 წლის 1 ოქტომბრის შემოქმედი, რა თქმა უნდა, იყო ქართველი ხალხი, მგრამ ივანიშვილის პიროვნული ფაქტორი ამ ყველაფერში იყო ძალიან მნიშვნელოვანი და მის მერე ძალიან ბევრი პოზიტიური მოვლენა მოხდა. მაგრამ დღეს, რომ მოვდივარ იმას ნიშნავს, რომ ვხედავ იმ ნეგატიურს, რის გამოც მოვდივარ. შესაბამისად,  მე მაქვს  პრეტენზიები, რა თქმა უნდა, ბიძინა ივანიშვილთანაც, მაგრამ თუ ჩემი რიტორიკა იქნება აგრესიული მის მიმართაც, არამგონია რომ ეს სწორი იყოს. მეორეც, არ მინდა სულ ბიძინა ივანიშვილზე საუბარი, შევთანხმდეთ, რომ ეს ჩემი ბრიფინგია და ჩემს გადაწყვეტილებას ეხება და  თუ კითხვები გვაქვს ბიძინა ივანიშვილთან, უნდა ვკითხოთ მას“, - აღნიშნა ფოფხაძემ.

ავტორი: ,

სოციალური ქსელები

დღეს საკრებულოს შუალედური არჩევნები იმართება, ხმის მიცემა დაიწყო

უკრაინაში მყოფმა დასავლელმა დიპლომატებმა საელჩოების კიევიდან ლვოვში გადატანის საკითხის განხილვა დაიწყეს

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს