„ანაკლიის ისტორიული პროექტი საფრთხეშია, რადგან შესაძლებელია, დაფინანსება ვერ მიიღოს“, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ პარლამენტის პლენარულ სხდომაზე, „თიბისის“ ირგვლივ განვითარებულ მოვლენებზე საუბრისას განაცხადა.

დეპუტატის შეფასებით, „ხელისუფლება სახიფათო თამაშს თამაშობს“.

„მიადგნენ „თიბისი ბანკს“ და იმ პროექტებს, რომელსაც ქვეყნისათვის აქვს სასიცოცხლო მნიშვნელობა. გუშინ ჩვენ მოვისმინეთ განცხადება „თიბისი ბანკის“ დამფუძნებლების, რომლებმაც არაორაზროვნად, პირდაპირ განაცხადეს, რომ საფრთხეშია ანაკლიის ისტორიული პროექტი. შესაძლებელია, დაფინანსება ვერ მიიღოს და ივნისში დაგეგმილი შეხვედრა ფაქტობრივად წარუმატებლად დამთავრდეს. ვაფრთხილებ საქართველოს ხელისუფლებას, შეეშვას სახიფათო თამაშს. ის, ვინც ჩაშლის ანაკლიის ისტორიულ პროექტს, ხალხის დაახრჩობს ანაკლიის ღრმაწყლოვან ზღვაში. გინდ სიმბოლურად გაიგეთ ეს სიტყვები და გინდ სხვა მნიშვნელობით. არავის ეპატიება ამ პროექტის ჩაძირვა. გამოფხიზლდით უმრავლესობა და ეს საკითხი განვიხილოთ პარლამენტში ყველამ ერთად“, - განაცხადა რომან გოცირიძემ.

შეგახსენებთ, 14 თებერვალს, საქართველოს ეროვნულმა ბანკმა მამუკა ხაზარაძესა და ბადრი ჯაფარიძეს „თიბისი ბანკის“ დოკუმენტაციაზე ხელმოწერის უფლება შეუჩერა. გარდა ამისა, „თიბისი ბანკის“ აქციონერთა კრებას მათი სამეთვალყურეო საბჭოდან გაწვევისათვის 2-თვიანი ვადა მიეცა.  

„თიბისი ბანკში“ განაცხადეს, რომ ბანკისა და აქციონერების ინტერესების დასაცავად მათ ხელთ არსებულ ყველა სამართლებრივ საშუალებას გამოიყენებენ და სასამართლო დავას გააგრძელებენ.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო