სამწუხაროდ, მინისტრი რომელსაც თავისი ბიოგრაფიით კარგი აკადემიური წარსული ჰქონდა, პოლიტიკაში მოხვდა შემთხვევით, შემთხვევითი ადამიანები კი ძალიან ცუდად ამთავრებენ, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ პარლამენტის პლენარულ სხდომაზე განაცხადა.

მან ზუგიდის მე-6 საჯარო სკოლის დირექტორის, ია კერზაიას გარდაცვალების საქმეზე ისაუბრა და აღნიშნა, რომ მომხდარი განათლების მინისტრის ორგანიზებული არ არის.

დეპუტატის განმარტებით, მიხეილ ბატიაშვილმა ძალოვანების დავალება შეასრულა.

„რაც შეეხება ქალბატონ ია კერზაიას ტრაგიკულად გარდაცვალების საკითხს, ეს რა თქმა უნდა არ იყო ბატონი მინისტრის მიერ ორგანიზებული. მას დაავალეს, შეასრულა ძალოვნების დავალება, იმ ადამიანების, რომლებიც საარჩევნო პროცესს აკონტროლებდნენ. მიიღო ანონიმური წერილი და ერთი დღის განმავლობაში, წერილის შემოსვლიდან მისი რეზოლუციის დადებამდე და მეორე დილით, როგორც ირკვევა 5 საათზე გააგზავნა დამსჯელი ჯგუფი, ათზე უკვე ზუგდიდში ჩავიდნენ და ფაქტობრივად ერთი დღის განმავლობაში ეს ბიუროკრატიული პროცედურა მან განახორციელა სწორედ სხვების დავალებით. ყველაზე ცუდი და მძიმე მოსასმენი იყო ის, რომ იგი შეეცადა ამ დანაშაულის დაფარვას. ფაქტობრივად გამოესარჩლა ყველა იმ ადამიანს, ვინც მასში მონაწილეობდა, მათ შორის საკუთარი უწყების ჩინოვნიკებს და იმ ადამიანებს, რომლებიც მასზე ახდენდნენ ზეწოლას. ამიტომ სამწუხაროდ, მინისტრი რომელსაც თავისი ბიოგრაფიით კარგი აკადემიური წარსული ჰქონდა, დეკანი ყოფილა ილიაუნიში და საკმაოდ კარგად ახასიათებენ მისი კოლეგა პროფესორები, როგორც იმ დროს იმ საქმიანობით დაკავებულ პიროვნებას, შემდეგ უკვე უნივერსიტეტიც დააფუძნა, ის მოხვდა პოლიტიკაში შემთხვევით. შემთხვევითი ადამიანები ამთავრებენ ძალიან ცუდად, როგორც თავიანთ პირად კარიერას, ასევე ზიანს აყენებენ ქვეყანას და ამ შემთხვევაში კონკრეტულ ადამიანებს“, - განაცხადა რომან გოცირიძემ.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო