პირი რომელმაც ქუჩაში იარაღიდან გაისროლა 400 ლარით დაჯარიმდა, - ასე პასუხობენ შინაგან საქმეთა სამინისტროში მედიაში გავრცელებულ ინფორმაციას, რომლის თანახმადაც, გასული წლის 16 ნოემბერს პირმა ქუჩაში გაისროლა, ადგილზე მისულმა სამართალდამცველებმა კი ის ყოველგვარი გამოძიებისა და რეაგირების გარეშე გაუშვეს.

უწყების ცნობით, საქართველოს ადმინისტრაციულ სამართალდარღვევათა კოდექსის 167-ე მუხლის მიხედვით ფაქტზე ადმინისტრაციული წესით დაიწყო სამართალწარმოება, რაც დასახლებულ პუნქტებში იარაღიდან სროლას ან დადგენილი წესის დარღვევას გულისხმობს. მათივე ინფორმაციით, პირი რომელმაც გაისროლა თბილისის საქალაქო სასამართლომ სამართალდამრღვევად სცნო.

„2018 წლის 16 დეკემბერს ფალიაშვილის ქუჩაზე, სადაც ერთ-ერთმა მოქალაქემ რეგისტრირებული საკუთარი იარაღიდან გაისროლა, შეტყობინების მიღებისთანავე შემთხვევის ადგილზე შინაგან საქმეთა სამინისტროს საპატრულო პოლიციის თანამშრომლები გამოცხადნენ.

საქართველოს ადმინისტრაციულ სამართალდარღვევათა კოდექსის 167-ე მუხლის მიხედვით ფაქტზე ადმინისტრაციული წესით დაიწყო სამართალწარმოება, რაც დასახლებულ პუნქტებში იარაღიდან სროლას ან დადგენილი წესის დარღვევას გულისხმობს.

პოლიციამ სამართალდამრღვევ მოქალაქეს  ოჯახის წევრთან მომხდარი კონფლიქტის გამო შემაკავებელი ორდერი გამოუწერა.

თბილისის საქალაქო სასამართლომ მოქალაქე სცნო სამართალდამრღვევად და დააჯარიმა 400 ლარით“, - აცხადებენ შინაგან საქმეთა სამინისტროში.

ავტორი: ,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს