პატრიარქის მოსაყდრის, მეუფე შიოს თქმით, მსოფლიოს საპატრიარქო ქართველი სამღვდელოების აუჩქარებლას გაგაებით ეკიდება.

ამასთან, როგორც მან, მსოფლიო საპატრიარქოს დელეგაციის წევრებთან შეხვედრის შემდეგ ჟურნალისტებს გაუცხადა, განხილულ იქნა ბევრი საკითხი და გამოიკვეთა მათი კორექტული პოზიცია ჩვენი ეკლესიის მიმართ.

„მეუფე ემანუელმა ფაქტობრივად ყველაფერზე ისაუბრა, იყო ძალიან კონსტრუქციული შეხვედრა, ჩვენ მადლობას ვუხდით მათ ასეთი კორექტული მიდგომისთვის საქართველოს ეკლესიის მიმართ. ძალიან მნიშვნელოვანი შეხვედრა იყო, ჩვენ განვიხილეთ ბევრი დეტალი. ისინი არ ჩამოსულან იმისთვის, რომ დაგვარწმუნონ მივიღოთ ესა თუ ის გადაწყვეტილება და ასევე მნიშვნელოვანი ის არის, რომ ჩვენს აუჩქარებლობას, რაც ამ ეტაპზე ჩვენ გვაქვს სრული გაგებით ეკიდებიან და თქვენს წინაშეც რამდენჯერმე გაიმეორა მან ეს. ჩვენ წლის ბოლოს გვქონდა სინოდის სხდომა, სადაც დადგინდა, რომ განხილვა გადაიდება შემდეგი სინოდისთვის, იმიტომ, რომ არის ბევრი დეტალი, არის მრავალი შეკითხვა სინოდში, ასე, რომ ეს საჭიროებს განხილვას და მუშაობას. სამწუხაროდ, ჩვენთან არის ასეთი პოზიცია, რომ ჩვენი პოზიცია ამჟამინდელი რაღაცნაირად ასოცირდებოდეს ვიღაცის მიერ, რომ ეს არის რუსული გავლენა, სინამდვილეში დღეს თქვენ მოისმინეთ მსოფლიოს საპატრიარქოს პოზიცია, რომ ისინიც ეთანხმებიან ამ ჩვენ პოზიციას. ბუნებრივი პროცესია, ისტორიაში მუდმივად ასე იყო, ვიღაცა თავს იკავებს, ვიღაცა მხარს უჭერს, ამიტომ დრო სჭირდება. მსოფლიოს საპატრიარქო ენდობა მისი უწმინდესობის სიბრძნეს, თუ რა ნაბიჯები უნდა გადადგას ჩვენმა ეკლესიამ შემდგომში“, - განაცხადა მეუფე შიომ.

ავტორი: ,

სოციალური ქსელები

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ

პეტერ მადიარი უნგრეთის პრემიერი ოფიციალურად გახდა