„შავი ზღვის რეგიონს აქვს სტრატეგიული მდებარეობა გეოგრაფიულად, პოლიტიკურად, ეკონომიკურად, უსაფრთხოების თვალსაზრისით. ამ რეგიონის მშვიდობიანი და მდგრადი განვითარება სასიცოცხლოდ მნიშვნელოვანია ევროპისა და შესაბამისად, საერთაშორისო უსაფრთხოების არქიტექტურისთვის",- ამის შესახებ საქართველოს პარლამენტის თავმჯდომარემ საფრანგეთის ეროვნული ასამბლეის საგარეო ურთიერთობათა კომიტეტის სხდომაზე განაცხადა.

ირაკლი კობახიძემ ხაზგასმით აღნიშნა, რომ საქართველო  რეგიონში საკუთარ როლს სრულად აცნობიერებს და მზად არის, საკუთარ როლს პასუხისმგებლობით მოეკიდოს და წვლილი შეიტანოს მსოფლიოს სტაბილურობასა და უსაფრთხოებაში. მისი თქმით, ქართველ ჯარისკაცებს დღემდე წვლილი შეაქვთ მშვიდობის დამყარებაში ავღანეთის ყველაზე საშიშ რეგიონებში და ეს ძალისხმევა, სამწუხაროდ,  ჩვენს ქვეყანას ათეულობით გმირი მებრძოლის სიცოცხლის ფასად დაუჯდა.

„განვლილი გამოცდილება აჩვენებს, რომ მზად ვართ, პასუხისმგებლობით მოვეკიდოთ ჩვენს როლს და წვლილი შევიტანოთ რეგიონის და მსოფლიოს სტაბილურობასა და უსაფრთხოებაში. ჩვენ ვართ მცირე ქვეყანა, მაგრამ ვართ ამბიციური ქვეყანა და ვცდილობთ, ჩვენი შესაძლებლობების ფარგლებში, მაქსიმალური წვლილი შევიტანოთ გლობალურ უსაფრთხოებაში. მაგალითისთვის, ნატოს მისიის ფარგლებში ფრანგ და ქართველ ჯარისკაცებს აქვთ ერთობლივი საბრძოლო მოქმედებების გამოცდილება ავღანეთის დედაქალაქ ქაბულში; ქართველ ჯარისკაცებს დღემდე წვლილი შეაქვთ მშვიდობის დამყარებაში როგორც ავღანეთის ყველაზე საშიშ რეგიონებში, ისე ევროპელ სამხედროებთან ერთად მალისა და ცენტრალური აფრიკის რესპუბლიკაში. ავღანეთში საქართველოს ჰყავს ნატოს არაწევრი ქვეყნებიდან ყველაზე მსხვილი სამხედრო კონტიგენტი. რაც შეეხება ერთ სულ მოსახლეზე გაანგარიშებას, ყველაზე მეტი ჯარისკაცია საქართველოდან წარმოდგენილი ამ ქვეყანაში.  ეს ძალისხმევა საქართველოს, სამწუხაროდ,  ათეულობით გმირი მებრძოლის სიცოცხლის ფასად დაუჯდა. ჩვენ ქედს ვიხრით მათი თავგანწირვის წინაშე და საერთაშორისო მეგობრებთან და  პარტნიორებთან ერთად ვაგრძელებთ ბრძოლას ტერორიზმის და სხვა თანამედროვე საფრთხეების წინააღმდეგ",-  განაცხადა ირაკლი კობახიძემ.

მისივე თქმით, საქართველო ხელს უწყობს რეგიონში თანამშრომლობის გაღრმავებას, მონაწილეობს მასშტაბური ეკონომიკური, ენერგეტიკული და სატრანსპორტო პროექტების განხორციელებაში, ასევე, მჭიდრო კავშირები აქვს როგორც მეზობელ, ასევე, ბალტიის ქვეყნებთან.

„უნიკალური გეოგრაფიული მდებარეობისა და საგარეო პოლიტიკის წყალობით, საქართველოს წვლილი შეაქვს მთელი რეგიონის სტაბილურობისა და განვითარების უზრუნველყოფაში",-განაცხადა პარლამენტის თავმჯდომარემ.

ავტორი: ,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს