მმართველ გუნდში საკადრო ცვლილებები შეიძლება, მხოლოდ საპარლამენტო თანამდებობებთან იყოს დაკავშირებული, - ასე უპასუხა ფრაქცია „ქართული ოცნების“ წევრმა, ზაქარია ქუცნაშვილმა ჟურნალისტების შეკითხვას.

ქუცნაშვილს ჰკითხეს, რა მოლოდინები აქვს დეპუტატ ეკა ბესელიასთან დაკავშირებით და არსებული ვითარების გამო, შესაძლებელია თუ არა, უმრავლესობაში საკადრო ცვლილებები განხორციელდეს.

 „უმრავლესობაში საკადრო ცვლილებები შეიძლება, დაკავშირებული იყოს მხოლოდ საპარლამენტო თანამდებობებთან, ანუ ვის აირჩევს პარლამენტი მომავალი კომიტეტის თუ ფრაქციის თავმჯდომარეებად, ან ვის გადაირჩევს. ასე რომ, პარლამენტი, მოგეხსენებათ, არ წარმოადგენს ვერტიკალური ხელისუფლებების განშტოებას, სადაც უფროსის ნებაზეა დამოკიდებული მისი მოადგილის თუ ხელქვეითის საკითხი“, - განაცხადა ზაქარია ქუცნაშვილმა.

რაც შეეხება კითხვას, უნდა დატოვოს თუ არა ეკა ბესელიამ საპარლამენტო უმრავლესობა, ქუცნაშვილმა აღნიშნა, რომ ეს თავად ბესელიას გადასაწყვეტია.

„სწორი არ მგონია, კოლეგებს ვუკარნახოთ, ვინ სად უნდა იყოს. მათი გადასაწყვეტია. ყველა თავისუფალი ადამიანია და თავად იღებენ გადაწყვეტილებებს“, – განაცხადა ქუცნაშვილმა.

ავტორი: ,

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა