N71-ე ბაღის ზეიმზე, ფოიერვერკის შენობაში გამოყენების გამო, ბავშვი დაშავდა

2018-12-29 14:48:18, 3907 ნახვა

სამართალი

N71-ე ბაღის ზეიმზე, ფოიერვერკის შენობაში გამოყენების გამო, ბავშვი დაშავდა - მიმდინარეობს გამოძიება

თბილისის N71-ე ბაღში გამართულ საახალწლო ზეიმზე, პიროტექნიკის გამოყენების შედეგად ბავშვი დაშავდა.

მომხდარის ამსახველი ვიდეო სოციალურ ქსელში გავრცელდა.

კადრებში ჩანს, რომ ზეიმზე, საახალწლო ფოიერვერკი გაუშვეს, რომლის გამოყენებაც დახურულ სივრცეში აკრძალულია. აღნიშნულმა დარბაზში პანიკა და ხმაური გამოიწვია.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 124-ე მუხლით მიმდიანარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

„სავარაუდოდ პიროტექნიკის გამოყენების შედეგად საბავშვო ბაღის ერთ-ერთმა აღსაზრდელმა მსუბუქი დაზიანება მიიღო, მას საავადმყოფოში გაეწია დახმარება და ამჟამად მკურნალობას სახლში განაგრძობს“, - განაცხადეს სამინისტროში.