„რა გადაწყვეტილებაა მიღებული კარგად ვხედავთ, პოლიციელი უფრო მეტია ვიდრე ხეები გარშემო“, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ გურჯაანის სასამართლოსთან, „ნაციონალური მოძრაობის“ წევრის, დავით კირკიტაძის მხარდამჭერ აქციაზე ჟურნალისტებს განუცხადა.

როგორც მან აღნიშნა, ხელისუფლებამ გადაწყვიტა, რომ ქვეყანაში 800 000 ადამიანი მეორეხარისხოვანი მოქალაქეა.

„წინასწარ უკვე რა გადაწყვეტილებაც არის მიღებული, ამაზე მეტყველებს ის ფაქტიც, რომ არ ჩაატარეს სასამართლო გუშინ და ატარებენ დღეს, ბავშვი არავინაა და ყველა ხვდება, რომ გადაწყვეტილება სასამართლოში არ მიიღება, გადაწყვეტილებას მიღებულია. იმის მაგივრად, რომ ხელისუფლება წამოვიდეს დიალოგზე გაიგონოს 900 ათასი ადამიანის ხმა და სიტუაციის დეესკალაციიდან და კრიზისიდან გამოვიდეთ, ხელისუფლებამ გადაწყვიტა, რომ თქვენი ხმა არაფერია, თქვენ უნდა დაგქსაქსოთ, თქვენ უნდა დაგიჭიროთ. ივანიშვილი გვეუბნება, რომ თქვენ ხართ მეორეხარისხოვანი მოქალაქეები, გვეუბნება, რომ ეს 800 ათასი ადამიანი არ არი ჩემი მოქალაქე. გადაწყვეტილებას იღებს, რომ გადაუაროს. აქ მხოლოდ დათოში არ არის საქმე, საქმე არის ძალიან მარტივად - ან ჩვენ 800 ათასი-900 ათასი ადამიანი ვიქნებით სრულფასოვანი მოქალაქეები და არავინ მოითმენს, ვიღაცამ გადაწყვიტოს, რომ ჩვენ ვართ მეორეხარისხოვანი მოქალაქეები. ამას არავინ აიტანს, ან წავა რადიკალიზაციისკენ, ან წავა დიალოგისკენ და დიალოგის ფორმა და შინაარსი არის ერთადერთი, პროპორციული არჩევნები და ხელისუფლება უნდა განსაზღვროს ხალხმა და არა ივანიშვილმა. ეს დღე ამიტომ არის მნიშვნელოვანი, არამარტო კონკრეტული დავით კირკიტაძის ბედი. კირკიტაძის ბედი მნიშვნელოვანია, მნიშვნელოვანია იმიტომ რომ ეს დღე შეიძლება გახდეს წყალგამყოფი. რა გადაწყვეტილებაა მიღებული კარგად ვხედავთ, პოლიციელი უფრო მეტია ვიდრე ხეები გარშემო“, - განაცხადა გიგი უგულავამ.

შეგახსენებთ, გურჯაანის რაიონული სასამართლო დღეს დავით კირკიტაძისთვის აღკვეთის ღონისძიების შეფარდებაზე იმსჯელებს. კირკიტაძის გათავისუფლების მოთხოვნით სასამართლოსთან დილიდან საპროტესტო აქცია მიმდინარეობს, რის გამოც ტერიტორიაზე სამართალდამცველთა დიდი რაოდენობაა მობილიზებული.

ავტორი: ,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო