გაერთიანებული ოპოზიციის პრეზიდენტობის ყოფილი კანდიდატი გროგოლ ვაშაძე აცხადებს, რომ ქვეყანა პროპორციულ ან პროპორციულ-რეგიონალურ საარჩევნო სისტემაზე უნდა გადავიდეს. 

როგორც ვაშაძემ ჟურნალისტებთან საუბარში აღნიშნა, აუცილებელია საოლქო კომისიების გაუქმება, რომლებიც პოლიტიკოსის შეფასებით, გაყალბების მექანიზმია. 

"ვადამდელი საპარლამენტო არჩევნები, საარჩევნო ადმინისტრაციის ტოტალური შეცლა და ახალი წესით დაკომპლექტება, რომელშიც პარიტეტული საწყისები იქნება ჩართული, რა თქმა უნდა, ისინი, ვინც დღეს ხელისუფლებაში იმყოფებიან, პოლიტიკური პარტიები და აუცილებლად სამოქალაქო საზოგადოება. აუცილებლად გაუქმება საოლქო კომისიების, რომელიც არაფერი არ არის თუ არა გაყალბების კიდევ ერთი მექანიზმი და აუცილებლად გადასვლა პროპორციულ, ან პროპორციულ რეგიონალურ სისტემაზე. ბერკეტები ჩვენ გვაქვს, საქართველოს 800 000-ზე მეტი მოქალაქის ხმა და ამაზე დიდი ქმედითი ბერკეტი ბუნებაში არ არსებობს. ამ ხელისუფლებას უპირველეს ყოვლისა ეშინია და ყველაზე უფრო მეტად უფრთხის საქართველოს მოქალაქის ხმას. ჩვენ, როდესაც ხელისუფლებას მივმართავთ, თუ გნებავთ ე.წ ხელისუფლებას და ამ შეთავაზებას ვაკეთებთ, გვინდა კიდევ ერთხელ დავანახოთ საერთაშორისო საზოგადოებას, რომ ჯერ ერთი, მთელი 4 თვიანი პროპაგანდა იმაზე, რომ მოვა გაერთიანებული ოპოზიცია, რომელსაც ე. წ. ხელისუფლება ჯიუტად მოიხსენიებს, როგორც მხოლოდ და მხოლოდ ერთიან „ნაციონალურ მოძრაობას“, დაიწყება არეულობა. აღარ მახსოვს, რომელიღაცა მათმა წარმომადგენელმა სიტყვა „სისხლისღვრაც“ კი იხმარა, არავითარი სისხლისღვრა არ იქნება. ჩვენ ვაპირებთ, კონსტიტუციის, საქართველოს კანონმდებლობის და ადამიანის უფლებების საყოველთაო დეკლარაციის ფარგლებში დარჩენას მუდამ“, - განაცხადა გრიგოლ ვაშაძემ.

ავტორი: ,

სოციალური ქსელები

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო

რუსეთმა კიევში კიდევ ერთ ხიდს, დნეპრის მაღალსართულიან შენობასა და ბიზნეს ცენტრს შეუტია, 4 ადამიანი დაშავდა

მედიასაშუალებებმა გაამჟღავნეს flydubai-ს პილოტის ვინაობა, რომელმაც ბორტზე ტერორისტული თავდასხმის განხორციელება სცადა