დასავლეთ საქართველოში სტიქიის სალიკვიდაციო სამუშაოებში პრემიერ-მინისტრის დავალებით აღმასრულებელი ხელისუფლებისა და რეგიონული სამსახურების წარმომადგენლები ადგილობრივ თვითმმართველობებთან ერთად მეორე დღეა, ინტენსიურ სამუშაოებს აწარმოებენ, - ამის შესახებ „ექსპრენიუსს“ პრემიერის პრესსამსახურიდან აცნობეს.

მათი ინფორმაციით, იმერეთში, გურიასა და სამეგრელო-ზემო სვანეთში შექმნილი სტიქიის სალიკვიდაციო შტაბები საგანგებო რეჟიმში მუშაობენ. აღდგენითი სამუშაოების პარალელურად მიმდინარეობს ზარალის დათვლა.  რეგიონების დიდ ნაწილს ეტაპობრივად უკვე აღუდგა გაზისა და ელექტროენერგიის მიწოდება.

„ინფრასტრუქტურის სამინისტრო სამივე რეგიონში მეორე დღეა, ატარებს სტიქიის სალიკვიდაციოაუცილებელ ღონისძიებებს; აქტიურადმიმდინარეობს ზარალის შეფასება; იმერეთსა და სამეგრელოში უკვე დაიწყო  კორპუსების დაზიანებული სახურავის აღდგენისა და გადახურვის პირველადი სამუშაოები.

ვიცე - პრემიერი, შინაგან საქმეთა მინისტრი, გიორგი გახარია პირადად ეცნობა სტიქიის შედეგად სამეგრელოს რეგიონში შექმნილ მდგომარეობას. რეგიონში მოქმედი საგანგებო შტაბი ყველა საჭირო და გადაუდებელ ღონისძიებას ატარებს, რათა უზრუნველყოფილი იყოს მოსახლეობის უსაფრთხოება და მოხდეს მყისიერი რეაგირება დაზარალებულთა დასახმარებლად.

საგანგებო სიტუაციების მართვის სამსახური განაგრძობს 24 საათიან რეჟიმში მუშაობას, სამივერეგიონში მობილიზებული არიან მეხანძრე-მაშველები, რომლებიც ამ წუთებშიც ეხმარებიანმოქალაქეებს დაზიანებული საცხოვრებელისახლების სახურავების შეკეთებაში და წმენდენწაქცეული ხეებისგან ჩახერგილ გზებს. 

პრემიერ-მინისტრის დავალებით,  განსაკუთრებულ რეჟიმში მუშაობას განაგრძობენ  შტაბები, შესაბამისი სამინისტროები და სამსახურები ყველაფერს აკეთებენ, რათა  არც ერთი ჩვენი თანამოქალაქე არ დარჩეს მარტო იმ პრობლემის წინაშე, რაც მათ სტიქიის შედეგად მიადგათ“, - აცხადებენ პრემიერის პრესსამსახურში.

ავტორი: ,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი