აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ მთავრობის გასვლით სხდომაზე კურორტ „გომარდულთან" დაკავშირებით სიახლეების შესახებ ისაუბრა.

როგორც რეგიონის ხელმძღვანელმა აღნიშნა, კურორტს წლების განმავლობაში ჰქონდა პრობლემები, რომლებიც საბოლოოდ აღმოფხვრილია.

„საქართველოს მთავრობის გადაწყვეტილებით, მოხდება საგადასახადო შეთანხმების გაფორმება და ყადაღა მოეხსნება კომპანიას, რაც აქციონერებს მისცემს საშუალებას განავითარონ კურორტი გომარდული. ამ მიმართულებით სახელმწიფო, განსაკუთრებით კი აჭარის ხელისუფლება იქნება ბოლომდე ჩართული, რომ გორმადულში იყოს მეტი განვითარება, იყოს მეტი ტურიზმი", - აღნიშნა თორნიკე რიჟვაძემ და აჭარის ტურიზმის დეპარტამენტის ხელმძღვანელს უმოკლეს ვადებში კურორტზე სეზონის გახსნის უზრუნველყოფა დაავალა.

დღესვე, მთავრობის სხდომაზე განიხილეს განკარგულების პროექტები, რომლებიც საინვესტიციო საქმიანობის ხელშესაწყობად ინვესტორი კომპანიებისთვის პირგასამტეხლოს გადავადებას ითვალისწინებს. თორნიკე რიჟვაძის თქმით, 28 სექტემბრის მთავრობის განკარგულება ძალიან კარგად და ადეკვატურად აბალანსებს სახელმწიფო და კერძო ინტერესს და ხოლო ბიზნესთან მიმართებით მიდგომა და გადაწყვეტილებები არის უფრო ეფექტური. „ მინდა მადლობა გადავუხადო ბიზნესს თანამშრომლობისთვის.  საინვესტიციო საქმიანობასთან დაკავშირებული პოლიტიკა მთავარი პრინციპის - საჯარო და კერძო ინტერესის გათვალისწინებით ხდება და ასე გაგრძელდება მომავალშიც“, - განაცხადა აჭარის მთავრობის თავმჯდომარემ თორნიკე რიჟვაძემ.

(NS)

ავტორი: ,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი