გარემოს დაცვისა და სოფლის მეურნეობის სამინისტროს და სოფლის მეურნეობის სამეცნიერო-კვლევითი ცენტრის ერთობლივი პროექტის „მობილური ექსტენცია“ ფარგლებში მცხეთა-მთიანეთის რეგიონში ფერმერებთან შეხვედრები გაიმართა.

სოფლის მეურნეობის საინფორმაციო-საკონსულტაციო სამსახურის და სოფლის მეურნეობის სამეცნიერო-კვლევითი ცენტრის სპეციალისტებმა დუშეთის, მცხეთის და თიანეთის მუნიციპალიტეტების სოფლებში ადგილობრივებს მსხვილფეხა რქოსანი პირუტყვის მოვლა-მოშენებისა და შენახვის, ჯიშთაგანახლების, ხელოვნური განაყოფიერების, საკვებწარმოების, ვეტერინარიის, ინფექციური და ინვაზიური დაავადებების და მათი პროფილაქტიკის, უვნებელი რძის წარმოებისა და გადამუშავების და დამბალხაჭოს წარმოების ტექნოლოგიების შესახებ ინფორმაცია მიაწოდეს.

ფერმერებთან შეხვედრების დროს მნიშვნელოვანი ყურადღება ბიოლოგიურად სუფთა პროდუქტის წარმოებას, ღია გრუნტში ბოსტნეული კულტურების მოვლა-მოყვანას და კარტოფილის წარმოებას დაეთმო.

პროექტი „მობილური ექსტეცია“ 2016 წლიდან მთელი საქართველოს მასშტაბით ხორციელდება და მისი მიზანი ფერმერების მხარდაჭერა და მათთვის ადგილზე კონსულტაციების გაწევაა.

19-21 ნოემბერს კახეთის რეგიონის საგარეჯოს, გურჯაანის, ლაგოდეხის, ყვარელის, ახმეტის, და თელავის მუნიციპალიტეტებში (სოფლები - გიორგიწმინდა, კარდენახი, ველისციხე, კართუბანი, ვარდისუბანი, ახალსოფელი, ენისელი, ქვემო ალვანი,  მაღრაანი, ფშაველი, რუისპირი) ფერმერებთან შეხვედრები გაიმართება.

(NS)

ავტორი: ,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი