საქართველოს პრემიერ-მინისტრი ირაკლი ღარიბაშვილი საუდის არაბეთის პრინც ალ-ვალიდ ბინ ტალალ ბინ აბდულაზის ალ საუდის პირისპირ შეხვდა. შეხვედრის მთავარი თემა საქართველოში არსებული ბიზნესგარემო და საინვესტიციო პოტენციალი იყო.

პრემიერ-მინისტრისა და პრინცის პირისპირ შეხვედრა, რომელიც პროტოკოლით გათვალისწინებული არ ყოფილა, ნახევარ საათზე მეტხანს გაგრძელდა.

მხარეებმა შეხვედრისას აღნიშნეს, რომ ბოლო პერიოდში ქვეყნებს შორის ორმხრივად სასარგებლო ურთიერთობები ვითარდება, თუმცა პოტენციალი გაცილებით დიდია.

საქართველოს მთავრობის მეთაურმა იმედი გამოთქვა, რომ საქართველოს საელჩოს გახსნა ერ-რიადში, მეგობრულ კავშირებს კიდევ უფრო გააფართოებს.

შეხვედრაზე ხაზი გაესვა ორ ქვეყანას შორის სავაჭრო ბრუნვის გაზრდას, რომელმაც 2015 წლის იანვარ-აპრილში 3,6 მილიონი აშშ დოლარი შეადგინა.

„ავტორიტეტული საერთაშორისო ორგანიზაციები ერთხმად აღნიშნავენ საქართველოს განსაკუთრებულ ბიზნესგარემოს, რომელიც, საუდის არაბეთთან ჩვენი ქვეყნის გეოგრაფიულ სიახლოვესთან ერთად, საქართველოს საუდის არაბეთის საჯარო საინვესტიციო ფონდებისა და კერძო ბიზნესებისთვის მიმზიდველ ადგილად აქცევს“, - აღნიშნა პრემიერმა შეხვედრისას.

საუდის არაბეთის პრინცი, რომელიც სამეფოს დამაარსებლის და პირველი მმართველის, მეფე აბდულაზის ალ საუდის შთამომავალია, საქართველოში პრემიერ-მინისტრ ირაკლი ღარიბაშვილის მოწვევით იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ