საქართველოში ევროკავშირის წარმომადგენლობის ხელმძღვანელის იანოშ ჰერმანის განცხადებით, ევროკავშირი ეროვნული ბანკების, როგორც ძლიერი ინსტიტუტების, დამოუკიდებლობის პრინციპის მტკიცე დამცველია.

ამის შესახებ ჰერმანმა ჟურნალისტებს ეროვნული ბანკიდან საბანკო ზედამხედველობის სამსახურის გამოყოფის შესახებ ინიციატივაზე საუბრისას განუცხადა.

 მისივე თქმით, საქართველოსა და ევროკავშირს შორის ასოცირების დღის წესრიგში არსებობს ვალდებულებები, რათა  საქართველოს ეროვნული ბანკის დამოუკიდებლობა, ევროპული უმაღლესი პრინციპების შესაბამისად გაძლიერდეს.

ამასთან, ელჩის  ინფორმაციით, საქართველოს ხელისუფლების სურვილის შემთხვევაში, ევროკავშირი მზადაა,  ეროვნულ ბანკთან დაკავშირებით მიმდინარე პროცესებში ჩასართავად  ექსპერტები გამოაგზავნოს.

"თვლს ვადევნებთ ამ კანონპროექტთან დაკავშირებულ განხილვებს. როგორც ვიცი, ის ახლა პარლამენტშია. ასევე ვეცნობით ქართველი პოლლიტიკოსებისა და საერთაშორისო ინსტიტუტების, მათ შორის, სავალუტო ფონდის მიერ გაკეთებულ განცხადებებს.ამ ეტაპზე იმის თქმა შემიძლია, რომ ევროკავშირი, ეროვნული ბანკების, როგორც ძლიერი ინსტიტუტების, დამოუკიდებლობის პრინციპის მტკიცე დამცველია.საქართველოსა და ევროკავშირს შორის ასოცირების დღის წესრგიში არსებობს ვალდებულებები იმისათვის, რომ გაძლიერდეს საქართველოს ეროვნული ბანკის დამოუკიდებლობა, ევროპული უმაღლესი პრინციპების შესაბამისად. ჩვენ მზად ვართ, ამ თვალსაზრისით რეკომენდაციები გაგიწიოთ",-განაცხადა იანოშ ჰერმანმა.

შეგახსენებთ, გუშინ პრეზიდენტის მრჩეველმა ეკონომიკურ საკითხებში გიორგი აბაშიშვილმა განაცხადა, რომ   ეროვნული ბანკიდან საბანკო ზედამხედველობის გამოყოფის შესახებ კანონპროექტი, ასოცირების დღის წესრიგთან, საერთაშორისო სავალუტო ფონდის, ევროპის რეკონსტრუქციისა და განვითარების ბანკის უკვე ღიად გაჟღერებულ პოზიციებთან წინააღმდეგობაში მოდის.

მისივე თქმით, ასოცირების დღის წესრიგში აღნიშნულია, რომ ეროვნულ ბანკთან დაკავშირებით ცვლილებები, მხოლოდ ევროკავშირის ექსპერტების და ევროპის ცენტრალური ბანკის ჩართულობით უნდა განხორციელდეს.

აქედან გამომდინარე,  პრეზიდენტის ადმინისტრაციამ  ეროვნულ ბანკთან დაკავშირებით მიმდინარე პროცესებში საერთაშორისო ექსპერტების ჩართვა ითხოვა.

კანონპროექტის ინიციატორებმა  კი განაცხადეს, რომ   ეროვნული ბანკიდან საბანკო ზედამხედველობის სამსახურის გამიჯვნა,  ასოცირების ხელშეკრულებასთან წინააღმდეგობაში არაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ