საპარლამენტო უმცირესობაში ბიძინა ივანიშვილსა და მოსამართლეებს შორის შემდგარი საიდუმლო შეხვედრის შესახებ გავრცელებულ ინფორმაციას გამოეხმაურნენ. 

„ერთიანი ნაციონალური მოძრაობის“ წევრი აკაკი მინაშვილი ირაკლი ალასანიას 2012 წლის არჩევნების შემდგომ პერიოდს ახსენებს.

„მინდა ბატონ ალასანიას შევახსენო, რომ ჯერ კიდევ 2012 წელს, არჩევნების შემდეგ, მაშინ, როდესაც ის იყო უმრავლესობის წევრი, მთავარი სამიზნე ამ ხელისუფლების და ივანიშვილის სწორედ სასამართლო ხელისუფლება გახდა, როდესაც მაგალითად მან განაცხადა, რომ ნაციონალური მოძრაობა რიტორიკას არ შეიცვლიდა, რიგები გაგრძელდებოდა პროკურატურის წინ, მაშინ როდესაც ხდებოდა მოსამართლეთა თანაშემწეების დაშანტაჟება, როდესაც იყო ორი ფაქტი, როდესაც ხდებოდა პროკურატურის მხრიდან მოსამართლეების შესახებ ინფორმაციის გაგება და არც ერთ ამ მოქმედებაზე გამოძიება არ დაწყებულა“, - აცხადებს აკაკი მინაშვილი.

მინაშვილის თქმით, ივანიშვილს და დღევანდელ ხელისუფლებას მოსამართლეების მოსყიდვის და დაშანტაჟების რეალური ბერკეტები გააჩნია.

"ყველაფერი ეს ერთიანობაში გამოხატავს იმას, რომ სწორედ ქართული ოცნების და ივანიშვილის ხელმძღვანელობით სურს და აქვს რეალური ბერკეტები მოსამართლეების, როგორც დაშინების, დაშანტაჟების, ასევე, მოსყიდვის", - აღნიშნა აკაკი მინაშვილმა.

ცნობისთვის, "თავისუფალი დემოკრატების“ ლიდერის, ირაკლი ალასანიას განცხადებით, ყოფილ პრემიერ-მინისტრს ბიძინა ივანიშვილსა და მოსამართლეებს შორის ე.წ. კაბელების საქმესთან დაკავშირებით საიდუმლო გარიგება შედგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ