ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტომ "პოლონეთ-საქართველოს ტექნოლოგიურ სამიტს“ უმასპინძლა.

ღონისძიების ფარგლებში პოლონეთიდან მოწვეულნი იყვნენ სახელმწიფო სექტორის წარმომადგენლები, ინვესტორები და სტარტაპები. ღონისძიებაზე ისეთი საკითხები განიხილეს, როგორიცაა პოლონეთში არსებული საინვესტიციო პოტენციალი, სტარტაპებისთვის პოლონეთში ხელმისაწვდომი პროგრამები და კერძო კაპიტალის მოზიდვის ხერხები. 

"დღეს საქართველო გლობალურ ბაზარზე ინოვაციების და სტარტაპების ქვეყნად იმკვიდრებს თავს. პოლონეთი საქართველოსათვის ერთ-ერთ მთავარ სტრატეგიულ პარტნიორს წარმოადგენს და დღევანდელი ტექნოლოგიური სამიტით ქართველ სტარტაპ ეკოსისტემას საშუალება ეძლევა, შევიდეს პოლონეთის ბაზარზე და ასევე ჩაერთოს იმ საინვესტიციო თუ სხვა პროგრამებში, რასაც პოლონეთი სთავაზობს ქართველ სტარტაპებს", - აღნიშნა საქართველოს ინოვაციების და ტექნოლოგიების სააგენტოს თავმჯდომარის მოვალეობის შემსრულებელმა ავთანდილ კასრაძემ. 

ოფიციალური ნაწილის დასრულების შემდეგ გაიმართა პანელური დისკუსია თემაზე ,,სტარტაპებსა და კორპორაციებს შორის თანამშრომლობა“. ღონისძიების ბოლოს კი ქართველი სტარტაპერები საკუთარი პროექტების პრეზენტაციით პოლონელი ინვესტორების წინაშე წარსდგნენ. 

ღონისძიების მიზანია ორმხრივი გამოცდილების გაზიარება ინოვაციების ეკოსისტემის მიმართულებით და ქართველი სტარტაპების პოლონელ ინვესტორებთან დაკავშირება. 

პოლონეთ-საქართველოს ტექნოლოგიური სამიტის ორგანიზატორები არიან ეკონომიკისა და მდგრადი განვითარების სამინისტროს  ინოვაციების და ტექნოლოგიების სააგენტო (GITA), Foundation for Technology Entrepreneurship (FPT) და Foundation Coalition for Polish Innovations (KPI).

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა